beyaz.az

Haqqinda.az

Axtardığın haqqında - Hər gün yeni məlumat öyrən

Novruz Paxlavası

Ləvazimatlar

Un – 500 q

Kərə yağı – 150 q

Maya – 20 q

Yumurta – 1 ədəd

Süd – 200 q

Vanil – 5 q

Duz

İçlik üçün:

Qoz ləpəsi – 500 q

Şəkər tozu – 500 q

Hil – 4-5 ədəd

Şərbət üçün:

Şəkər tozu – 1 st.

Su – 1 st.

Üzəri üçün:

Yumurta sarısı – 2 ədəd

Zəfəran

Hazırlanma qaydası

1. Xəmiri hazırlamaq üçün: kərə yağı əridilir.

2. Süd qızdırılır və ilıq halda kərə yağına əlavə edilir.

3. Ələnmiş una 1 ədəd yumurta, duz, süd-yağ qarışığı, vanil və maya əlavə olunub yumşaq xəmir yoğrulur.

4. Xəmir isti yerdə 30 dəq. saxlanılır.

5. İçliyi hazırlamaq üçün: qoz qozçələn maşından keçirilir, əzilmiş hil və şəkər tozu qarışdırılır.

6. Xəmir 12 kündəyə (2 kündə böyük olmaq şərtilə) bölünür.

7. Böyük kündələrdən biri açılıb formaya yayılır, üzərinə fırça ilə 2 x.q. ərinmiş kərə yağı çəkilir və bir az içlik səpilir. Digər kündələr də eyni qayda ilə yayılır, yağlanır və aralarına içlik əlavə edilir.

8. Formaya qat-qat yığılan laylar romb şəklində doğranılır. Hər paxlavanın üzərinə qoz ləpəsi qoyulur.

9. Üzərinə çəkmək üçün: zəfəran dəmlənir, 2 yumurtanın sarısı ilə qarışdırılıb paxlavanın üzərinə çəkilir. Paxlava öncədən 180 dərəcəyədək qızdırılmış sobaya yerləşdirilir.

10. Şərbəti hazırlamaq üçün: şəkər tozu ilə su qarışdırılıb odun üzərində 15 dəq. qaynadılır və soyudulur.

11. Paxlava sobada 20 dəq. qaldıqdan sonra çıxarılır, bir daha doğranılır və üzərinə 1 st. ərinmiş yağ gəzdirilib yenidən sobaya 15 dəq. yerləşdirilir.

12. Hazır paxlavanın üzərinə şərbət gəzdirilir və 5 dəq. sobadan saxladıqdan sonra çıxarılıb soyudulur.


Tarix: 08.12.2012 / 15:27 Müəllif: *_*M_O_N_I_K_A*_* Baxılıb: 618 Bölmə: Şirniyyatlar