Haqqinda.az

Uşaqlar arasında keçirilən müsabiqədə "Sevgi nədir?" sualına belə cavab vermişdilər:

Sevgi nədir? Sevgi - odur ki, səni kimsə sevir, o sənin adını ayrı cür tələffüz edir. Sənin adın onun dilində çox rahat səslənir.
Billi, 4 yaş

Nənəm artrit xəstəliyinə tutulmuşdu, o daha əyilə və ayaq dırnaqlarını lakla rəngləyə bilmirdi. Onda babam bunu onun üçün etməyə başladı. Hətta öz əllərində də artrit başladıqdan sonra bunu edirdi. Budur sevgi.
Rebekka, 8 yaş.

Sevgi odur ki, sən öz qızardılmış kartofunu kimləsə bölüşürsən və gözləmirsən ki, səninlə həmçinin bölüşsünlər.
Krissi, 6 yaş

Sevgi odur ki, səni gülümsəməyə məcbur edir, hətta yorğun olsan da.
Terri, 4 yaş


Sevgi odur ki, sən oğlana deyirsən ki, onun köynəyi sənin xoşuna gəlir və o hər gün onu geyinməyə başlayır.
Noel, 7 yaş


Sevgi odur ki, ana ataya toyuğun ən yaxşı tikəsini verir.
Eleyn, 5 yaş

Sevgi odur ki, anam atamı çirkli və tərli görür, amma yenə də deyir ki, o Robert Redforddan daha yaraşıqlıdır.
Kris, 8 yaş

Sevgi odur ki, hətta sən küçüyünü bütün günü evdə tək qoyub getdiyində də, evə qayıdanda səni yalamağa başlayır.
Mari Enn, 4 yaş

Sevgi odur ki, sən kimisə sevirsənsə kirpiklərin açılanda onların altından ulduzlar uçur.
Keren, 7 yaş


Sevgi odur ki, anam atama qəhvə hazırlayır və əvvəl özü yoxlayır ki, görsün dadlımı alındı.
Deni, 7 yaş


"mən səni sevirəm" demək lazım deyil, əgər bu belə deyilsə. Amma əgər bu həqiqətdirsə - bunu tez-tez təkrarla, yoxsa sevdiklərin bunu unuda bilərlər.
Cessika, 8 yaş


Məni ən çox anam sevir. Çünki, ondan başqa kiminsə məni gecələr öpdüyünü görməmişəm.
Kler, 5 yaş

Mən bilirəm ki, mənim böyük bacım məni sevir, çünki o mənə bütün öz köhnə şeylərini verir və o özünə yenilərini almağa məcbur olur.
Loren, 4 yaş

Bunlar uşaqların "Sevgi nədir?" sualına verdikləri cavablardırlar. Dördyaşlı oğlan müsabiqənin qalibi oldu. O bir dəfə görər ki, təzəlikcə arvadını itirmiş qonşusu için-için ağlayır. Uşaq onun evinə girər, kişinin dizlərinə sarılar və kişi sakitləşənə kimi orada oturar. Ondan anası soruşanda ki, o qonşuya nə demişdi, oğlan cavab verər: "Heç nə. Mən sadəcə ona ağlamağa kömək edirdim".