Mənə dəniz verin, tənha qalmışam,
O, mənə ən şirin sözlər deyəcək.
Mənə dəniz verin, bəlkə bu axşam,
Yursular qapımı gəlib döyəcək.
Səhər açılanda, gecə düşəndə,
Mənə dəniz verin, qoy darıxmayım.
Gözümün yaşında islanım bir az,
Kədərli baxışla ona baxmayım.
Nəqarət:
Mənə dəniz verin, o tənha qalıb,
O, məni axtarır, məni gözləyir,
Gedirəm dənizə, dəniz mənimdir,
O dəniz gözlərim səni gözləyir.
Mənə dəniz verin, o tənha qalıb,
O, məni axtarır, məni gözləyir,
Gedirəm dənizə, dəniz mənimdir,
O dəniz gözlərim səni gözləyir.
Mənə dəniz verin, isinim bir az,
Onun gözlərinə qarışam bəlkə,
Tapım sularında göz yaşlarımı,
Orda taleyimlə barışam bəlkə.
Səhər açılanda, gecə düşəndə,
Mənə dəniz verin, qoy darıxmayım.
Gözümün yaşında islanım bir az,
Kədərli baxışla ona baxmayım.
Tarix: 22.01.2015 / 18:08 Müəllif: Aziza Baxılıb: 29 Bölmə: Eyyub Yaqubov