Uzun zamandır ki, dietoloqlar kartofun insan orqanizminə xeyrindən danışmaq istəmirdilər.
Lakin indi alimlər etiraf edirlər ki, kartofun insana çox böyük xeyri var və bu tərəvəzdə faydalı elementlər boldur.
Milli.Az "The Daily Mail"ə istinadən bildirir ki, bananla müqayisədə kartofda toxumalı nişasta 5500 dəfə çoxdur. Üç avokadoda olan C vitamini isə 1 kartofda olur.
Üstəlik gündə iki dəfə kartof yeyən yüksək qan təzyiqli insanların orqanizmlərində problemlər azalır, izafi çəki yığılmır.
İngilis dietoloq Siqrid Gibsonun dediyinə görə, günəbaxan və qoz-fındıqla müqayisədə kartofda daha çox selenium var.
Britaniya Dieotologiya Assosiasiyası və "Potato Council" təşkilatının nümayəndəsi Sian Porter isə deyir: "İnsanlar adət etdiklərinə fikir vermirlər. Bu səbəbdən də kartof barədə çox danışmırıq".
Həkimlər deyirlər ki, kartofun insanı kökəltməsi barədə deyilənlər absurddur. Əksinə, kalium mənbəyi qismində kartof bananı əvəzləyə bilər
Tarix: 15.08.2012 / 02:15 Müəllif: [Ram] Baxılıb: 831 Bölmə: Şəfalı Bitkilər