beyaz.az

Haqqinda.az

Axtardığın haqqında - Hər gün yeni məlumat öyrən

İslam dünyasında ilk dəfə etimad telefonu yaradılıb

İslam dünyasında ilk dəfə etimad telefonu yaradılıb
Gün ərzində müftilərə dünyanın bir çox ölkələrindən təxminən 3700-ə yaxın zəng olur

Birləşmiş Ərəb Əmirliyində dünyada ilk dəfə müsəlmanlar üçün telefon informasiya mərkəzi yaradılıb. Bu dini xidmət o qədər məşhurlaşıb ki, müfilər indi ənənəvi cümə namazı ilə monitor qarşısında qulaqcıqlar və mikrofonla oturmaq arasında seçməli olurlar. Müftilərin telefonu bir dəqiqə də olsun susmur. Gün ərzində müftilərə dünyanın bir çox ölkələrindən təxminən 3700-ə yaxın zəng olur. Bu barədə The Times qəzeti yazıb. Telefon vasitəsilə verilən bütün fətvalar hökumətin dini mövqeyini əks etdirir.
Mərkəzdə 48 müfti işləyir. Əməkdaşlar arasında ilahiyyatçı qadınlar da var. Hər növbədə bir qayda olaraq, altı kişi və iki qadın işləyir. Zəng edənlər ərəb, urdu və ingilis dilində sual verə bilərlər. Hər bir əməkdaşın iş yeri internetlə təmin olunub. Onların ixtiyarında həmçinin müxtəlif dini soraq kitabçaları da var.
Telefonla söhbətdən başqa, mərkəzin əməkdaşları sayt vasitəsilə də suallara cavab verə bilərlər. Amma burda yalnız ərəb dilindən istifadə olunur. Bundan başqa SMS də göndərmək mümkün deyil. Amma burada mətnin işarəsi 270-dən çox olmamalıdır.
Mərkəzin qaydalarına əsasən, telefonla söhbət üç dəqiqədən artıq çəkə bilməz. Ancaq müftilər şikayət edirlər ki, bəzi zəng edənlər bu qaydaya riayət etmirlər və dəflərlə eyni sualla bağlı zəng edirlər.


Tarix: 03.01.2013 / 14:17 Müəllif: *_*M_O_N_I_K_A*_* Baxılıb: 391 Bölmə: Maraqlı melumatlar