beyaz.az

Haqqinda.az

Axtardığın haqqında - Hər gün yeni məlumat öyrən

40 yaşdan sonra aspirin içməyin, çünki...

Bu dərmanın heç bir faydası olmur.

Milli.Az xəbər portalı "Lancet"ə istinadən bildirir ki, ağrıkəsici dərman preparatı kimi tanınan aspirin eyni zamanda qanın laxtalıq səviyyəsini aşağı salaraq damarlarda daha rahat axmasını təmir edir. Buna görə də aspirin ürək-damar problemləri ilə iflicin də qarşısını qismən ala bilən dərman sayılır. Lakin aspirin həm də çox təhlükəli dərmandır. Belə ki, uyğun şəkildə istifadə olunmadıqda aspirin mədə və beyində qanaxmalara səbəb ola bilər. Mədə qanaxmaları isə bəzən ölümə də səbəb olur.

Eyni zamanda, 40 yaşdan sonra az qala hər kəsin xəstəliklərin, xüsusilə də ürək-damar sistemindəki problemlərin profilaktikası məqsədilə aspirin qəbul etmələrinin gərəkdiyi barədə geniş yayılmış təsəvvürlərin yanlış olduğu da sübut edilib.

Çünki hansısa ağır xəstəliyi olmayan kişi və qadınlar 40 yaşdan sonra sürəkli aspirin qəbul etsələr, bunun orqanizmə heç bir faydası olmayacaq.

Professor Cerri Fouks 3350 britaniyalı arasında keçirdiyi sınaqlar zamanı bir qrupa gündə 100 milliqram aspirin, digər qrupa isə plasebo (heç bir effekti olmayan yalançı dərman) verib.

Sınağın nəticələri müqayisə olunanda bəlli olub ki, aspirin yaşı 40-dan artıq insanların orqanizminə heç bir müsbət təsir etməyib.

"Orqanzmindən ciddi şikayətləri olmayan, ürək-damar xəstəliyindən əziyyət çəkməyən insanların aspirin içmələri məsləhət deyil", - Fouks deyib.


Tarix: 08.01.2013 / 11:32 Müəllif: *_*M_O_N_I_K_A*_* Baxılıb: 387 Bölmə: Maraqlı Məlumatlar