beyaz.az

Haqqinda.az

Axtardığın haqqında - Hər gün yeni məlumat öyrən

Çiyələkli-Qaymaq Kremli Tort

Çiyələkli-Qaymaq Kremli Tort
Williams-Sonoma Baking kitabıdan adaptə edilmişdir

Tortu hazırlamaq üçün lazım olanlar:

1 ədəd klassik süngər biskviti
Vanilli tort şərbəti (resept aşağıda verilib)
Qaymaqlı krem (resept aşağıda verilib)
Təxminən 1 stəkan halqalara bölünmüş çiyələk

Süngər biskviti keçiddə izah olunduğu kimi bişirin. Kənara soyuması üçün qoyun və şərbətlə kremi aşağıda göstərilən qaydada hazırlayın.

Vanilli Tort Şərbəti

üçdə bir stəkan şəkər tozu
üçdə bir stəkan su
yarım limonun suyu (təxminən 3 xörək qaşığı)
1 çay qaşığı vanil ekstraktı (duru vanil)

Balaca qazanda şəkər tozu və suyu qaynadın. Şəkər əriyəndə, qazanı kənara çəkib içinə limon suyu və vanil ekstraktını əlavə edin. Qoyun kənarda soyusun.

Qaymaqlı Krem

1 stəkan yarım soyuq qaymaq
3 xörək qaşığı şəkər kirşanı (pudrası)
yarım çay qaşığı vanil ekstraktı (duru vanil – zəruri deyil)

İri qabda qaymaq, şəkər kirşanı və vanili mikserlə kütlə bir az bərkiyənədək çırpın.

Tortun Yığılması:

Soyumuş biskviti iti bıçaqla ikiyə bölün. Bir yarısını kəsilmiş tərəfi üstdə olmaq şərtiylə yastı yerə qoyun.Fırçayla şərbətin yarısını bu biskvitin üstünə çəkin. Kremin yarısından bir az azını üstünə yayın. Bunun üstünə çiyələkləri lay şəklində düzün (çiyələkdən bir neçəsini bəzək üçün saxlayın).Biskvitin digər yarısını kəsilmiş tərəfi yuxarıda olmaq şərtiylə çiyələklərin üstünə yerləşdirin. Qalan şərbəti fırçayla üstünə çəkin. Qalan kremi bu biskvitin üstünə və tortun kənarlarına çəkin. Tortu çiyələklə bəzəyin. Hazır tortu dərhal soyuducuya qoyun və sərin olaraq süfrəyə vedin.


Tarix: 08.12.2012 / 15:02 Müəllif: *_*M_O_N_I_K_A*_* Baxılıb: 424 Bölmə: Şirniyyatlar