Haqqinda.az

Axtardığın haqqında - Hər gün yeni məlumat öyrən

Xoşbəxt Ailə Sirləri

Qadın və kişi ailənin iki üzvü olsalar da, Allah-Təala ailənin himayədarlığını kişiyə məxsus xüsusiyyət kimi vermişdir. Rəsuli-Əkrəm (s.a.a.) buyurmuşdur. Kişi ailəsinin himayəçisidir. Eyni zamanda həyat yoldaşına və övladlarına qarşı məsuliyyəti vardır. Hər bir kişi ailə qurarkən öz xanımını qul deyil, ona dost, sirdaş, həyatına şərik mənasında düşünməlidir. Bunun üçün də kişi ailənin müdiri kimidir. Yaxşı müdirin yaxşı idarəçiliyi olmalıdır. Müdir öz vəzifələrini bilsə ailəsini xoşbəxt edə bilər. Qadının varlığı məhəbbət və sevgi dənizidir. Onun həyatında məhəbbət və bağlılıq olsa özünü daha da şən və rahat hiss edər, əks təqdirdə həyatı narahat və maraqsız olar. Qadın əvvəl ata-ana məhəbbəti ilə qarşılaşır. O, ər evinə gələndə də ümidlə gəlir ki, onu sevəcək, onun qayğısına qalacaq, ürəyinin istəklərini yerinə yetirəcək bir arxa, bir sığınacaq yeri var. Kişi bilməlidir ki, istəyirsə xanımı ona itaətkar olsun, ömrünün axırına qədər rahat, isti bir yuvaya sahib olsun, bunun bircə sirri vardır: məhəbbət və mehribanlıq. Bəzən ər-arvad arasında olan münasibət səmimi olmur. Bilməliyik ki, ürəkdə olan məhəbbət kafi deyil, onu dilə gətirmək lazımdır. Həzrət Peyğəmbər (s.a.a.) buyurmuşdur: "Kişinin öz xanımına dediyi "səni sevirəm" sözü,heç vaxt onun qəlbindən çıxmaz." Bəzən elə ailələrə rast gəlinir ki, o evdə qadının hörməti aradan gedir, kiçilir. Aylarca evdən bayıra çıxmağına belə icazə verilmir. Bəzən kişinin valideyni də bu işdə dəstək verir. Qadın əsir kimi, gecə-gündüz zəhmət çəkir. Yəqin ki, belə qadınlar ərləri tərəfindən ad günlərində, münasib günlərdə belə hədiyyədən, adi bir gül dəstəsindən məhrumdurlar. Axı qadın öz həyat yoldaşına əmanətdir. Əmanəti necə saxlayarlar. İmam Baqir(ə) buyurmuşdur: "Ailə quran hər bir şəxs öz yoldaşını əzizləyib hörmət etməlidir." Başqalarının yanında həyat yoldaşına hörmətsizlik etmə, təhqir etmə kin-küdurətə səbəb olar, isti ocağını soyuq edər, məhəbbəti aradan aparar. Allah-Təala hər bir ailəni öz amanında saxlasın. Hər kəsə gözəl nümunəvi ailə qismət etsin, xəta və səhvlərimizi əməl dəftərimizdə qeyd etməsin. Amin!


Tarix: 14.05.2013 / 20:55 Müəllif: *_*M_O_N_I_K_A*_* Baxılıb: 152 Bölmə: Maraqli Melumatlar ve gozellik sirleri
loading...