beyaz.az

Haqqinda.az

Axtardığın haqqında - Hər gün yeni məlumat öyrən

Qadın susaraq gedər

Çox uzun əməklər sərf edər münasibətlərini davam etdirmək üçün. Birisinin qadını olmağı ürəyi, beyni, ruhu o qədər çətin qəbul etmişdir ki, başqa bir adama aid olmağı istəməz. Kişi kimi, şorbanın duzu azdı deyə dava salmaz məsələn, tam əksinə, gəl danışaq deyər. Kişilər də ən çox bu cümləyə əsəbləşərlər. Sonraya qalar o söhbətlər, oyunun sonuna, yeməkdən sonraya və daha bir çox gərəksiz şeyin sonrasına ertələnər.
Qadınlar inadçıdır, həyata sarıldıqları kimi, sevgilərinə də sahib çıxarlar. Budur səbəbi danışıb dərdini demək istədiyinin, qarşı tərəfi razı salana qədər əl çəkməzlər. Sonunda təslim olar kişi, bir işıq görər qadın, bütün dərdini paylaşar. Adətən hansı cavabı alar? Boş-boş danışma! Gərəksiz və mənasız görsənər kişiyə danışılanlar, heç də fikir verməz bunlara. Yenə bir sıxıntı, qane edilmədən yola verilir və kişi bir gün bunların hamsının özünə ox kimi dönəcəyini bilməz.
Bir qadın şikayət edirsə, yaxud da kişilərin sözü ilə desək dığ-dığ edirsə, kişi bilməlidir ki, o münasibətdən hələ də ümidini üzməyibdir qadın. Davam etmək, birlikdə yaşamaq, problemləri həll edərək xoşbəxt olmaq istəyir deməkdir bu. Daha da önəmlisi, o kişini hələ də sevir deməkdir bu.
Qadın susaraq gedər!
Ən önəmli xırdalıqdır, kişilərin heç anlaya bilmədiyi vəziyyət bax bu qədər sadədir. O gün gələnə qədər danışan, dava edən, mübahisə edən qadın, özünü səssizliyə vermişdir. Nə zaman ümidini o münasibətdən kəsərsə, o zaman sevgisi də yara almış olar. Ürəyindəki boxçaları toplamışdır, beynindəki biletleri almış ve əslində bədəni orada duraraq, münasibətlərdən çıxıb getmişdir. Hər axşam evə gələndə, qapının açıldığını görən kişi anlamaz, ama bir qadın səssizcə gedər. Nə mətbəxində yemək bişirən, nə yan kresloda televizora baxan qadın, artıq o qadındır. Bir qadının fəryadından, mübahisəsindən qorxmaq lazım deyil, çünki qadının gedişi səssiz və nəcibdir...


Tarix: 11.05.2013 / 12:25 Müəllif: *_*M_O_N_I_K_A*_* Baxılıb: 119 Bölmə: Maraqli Melumatlar ve gozellik sirleri