beyaz.az

Haqqinda.az

Axtardığın haqqında - Hər gün yeni məlumat öyrən

HOST şilləsi

(verse: AiD)
Sözümü tut, bəlkə tapdın özünü orda
Gözünü yum, yumşaq oldu bəlkə hər bir hərəkət onda
Gizlənim, düş dalımca həyat prinsipində qalib cəmiyyət
Hisslərim içində sevgi indi dönüb olub nifrət
Parçala və hökm sür, adi fəlsəfə
Demirəm çox şeyi ki, birdən səs yayılar hər tərəfə
Qulaqlar açıqda şayələr, hər kəs həvəskar
Bir gün eşitməszə şayə, qorxur qulaq olar kar
Boş cəmiyyət dol biraz, xoş gəldik gül biraz
Sən hələ yat, avaralan, boş arzular qur biraz
Biz hələki çox ilişəcəyik və ilişdikcə zövq alırıq
Sənsə say öz yerində öz əlinlə goruvu qaz
Sizin həyata baxıb nifrət edirəm mən kainata
Nə qədər olar "ev-iş, iş-ev-çayxana"
Ciblərdə pul artdıqca xərcliyirsiz sağa-sola
İnflyasiya, tək çıxış yolunuz qumarxana

(Nəqarət: Qaraqan)
Tərbiyəsiz cəmiyyətə HOST şilləsi
Hələ çox qalacaq izi üzünüzdə
Düz söz güzgüsü nəyi göstərir?
Onu çatlatmıyın, səhv özünüzdə(x2)


(verse: AiD)
Tərbiyəli bir ailə baxır tərbiyəsiz seriala
Tərbiyəli qız meyl edir tərbiyəsiz paltara
Tərbiyədən məsləhət verən tərbiyəsiz müğənni
Bu otağa səhv girmisiz, burda keçir HOSTun əmri
İsti-isti döyün dəmiri, bu cəmiyyətin dünəni bəlli
Kimin dərdi sanki dəvədi, kimin dərdi sətirlərdi
HOSTun hədəfi şillə vurub, sırğa olmaq qulaqlarda
Qeyrət üstə dava düşür, tərbiyəsiz disko barda
Ağızlarda saqqız əvəzi eyni mövzu çeynənir
Əvvəlcə gizlənir biraz keçir iylənir
Üstü açılır hər zibilin sonra da gileylənir
Şardı cəmiyyət, içi də boşdu, HOST batıracaq iynəni
Biz gəlirik dəyişməyə, bunu eşidib qorxduz
Çox vaxt bizi səhv başa düşüb, əməlləri də yozduz
Yüz maneə qursaz da HOST dəhlizi sonsuz
Tərbiyəli bir cəmiyyət var idi (Onu da siz pozduz!)

(Nəqarət: Qaraqan)
Tərbiyəsiz cəmiyyətə HOST şilləsi
Hələ çox qalacaq izi üzünüzdə
Düz söz güzgüsü nəyi göstərir?
Onu çatlatmıyın, səhv özünüzdə(x2)


(verse: AiD)
Hummer'də gəzən də indi deyingəndi zəmanədən
Ən öndə gedən də indi tez-tez dönür əqidədən
Əsl üzümüzü gizlətmədən tənqidimizi yağdıraraq
Guya ki, bizdən açıq çıxdız plakatlarımız cıraraq
Biz duraq yol ayırıcında, zəhər qılıncın ən ucunda
İnsanların sancarıq biz döyünməyən ürəyindən
Kimlərsə öz dirəyindən yapışmışdı biləyiylə
Dünya əlini üzməyibdi HOST adlı köməyindən
Nəfəs alma, saxla gözlərində qalsın eyni an
Pərdə qəribə mənzələri gizlədibdi, budu yandıran
Həvəsə döndü bir il əvvəl əyləncəli bir təkan
Misralarımız ürək bağçasında zəhərli bir tikan
Dağıt yuvanı, dünəni qatla yaddaşında zamanı atla
Acı həqiqəti de zarafatla
Öz yolunda döngə ol
Ya sən bugünki gün dərdlərinin bir düşməni
Ya da ki, qal, əbədi qal, kiminçünsə adi kölgə ol

(Nəqarət: Qaraqan)
Tərbiyəsiz cəmiyyətə HOST şilləsi
Hələ çox qalacaq izi üzünüzdə
Düz söz güzgüsü nəyi göstərir?
Onu çatlatmıyın, səhv özünüzdə(x2)


Tarix: 30.03.2015 / 10:04 Müəllif: Aziza Baxılıb: 292 Bölmə: Host