beyaz.az

Haqqinda.az

Axtardığın haqqında - Hər gün yeni məlumat öyrən

Gəlmə ölüm

Neçə qışım, baharlm var,
Getməliyəm, qərarım var.
Gözü yaşlı nigarım var,
İnsaf elə, gəlmə ölüm.

Ürəyimdən atmadığım,
Gözlər məni satmadığım.
Bir arzum var çatmadığım,
Hələ gəlmə, gəlmə ölüm.

Elə bilmə uzaqdayam,
Uzaq deyil, yaxındayam.
Çırpınıram, torundayam,
Bir az yuban, gəlmə ölüm.

Yollarını izləyirdim,
Qışqıraraq səsləyirdim.
Səni dünən gözləyirdim,
Amma, bu gün gəlmə ölüm.


Tarix: 19.11.2013 / 03:43 Müəllif: Akhundoff Baxılıb: 70 Bölmə: Azerbaycan Edebiyyatindan