beyaz.az

Haqqinda.az

Axtardığın haqqında - Hər gün yeni məlumat öyrən

II Qriqor Supan

II Qriqor Supan - 859—912/913 – cü illərdə (və ya 910) hakimiyyətdə olmuş Qeqarqunik hakimi.

Bioqrafiyası
Sünik sülaləsinin Qeqarqunik Haykazunları nəskindən olan II Qriqor Supan Vasak Qabur və şahzadə Məryəm Baqratuninin böyük oğludur. 895-906 – cı illərdə Tatev monastırının inşasında Aşot Süniyə yardım etmişdir. Monastır kilsəsinin şimal fasadında digər sifarişçilərlə birgə II Qriqor Supanın da heykəli vardır. II Qriqor eyni zamanda Göyçə gölü sahilindəki Kotavəng kilsəsi və Makenatots kilsəsini də inşa etdirmişdir. II Qriqor Supan Sacilər sülaləsindən olan Azərbaycan əmiri Yusif ibn Əbu-Sac tərəfindən döyüşdə öldürülmüşdür. Varisi, oğlu Aşotdur.

“Tanrının erməni ölkəsinə sakitlik və əminamanlıq bəxş etdiyi günlərdə, nahararlar təhlükəsizlikdən əmin olmaq üçün tikinti işlərinə başladılar, monastırların və şəhərlərin ətrafında möhkəm qalalar, keçilməz səddlər inşa etdirdilər. Hamıdan çox isə Gelam gölünün ətrafındakı əraziləri idarə edən Haykazun nəslindən Qriqor və onun qardaşları Saak və Vasak inşa etdirdilər.”
— Hovannes Drasxanakertçi - "Ermənistan tarixi"


Tarix: 09.02.2015 / 16:37 Müəllif: Feriska Baxılıb: 104 Bölmə: Ümumi