beyaz.az

Haqqinda.az

Axtardığın haqqında - Hər gün yeni məlumat öyrən

Bir Az Sən Düşmüsən Yadıma Mənim.

Bir az sən düşmüsən yadıma mənim,
Bir azda özümü unutmuşam mən.
Yenə qara geyib xatirələrim,
Yenə sənsizlikdən od tutmuşam mən.

Yenə adamalrdan uzaqlaşmışam,
Qəribə görünür sevənlər mənə.
Özüm öz içimdə itib-batmışam,
Cəhənnəmə gülsün gülənlər mənə.

Yenə gözlərimin yuxusu qaçıb,
Yenə rahatlığım çəkilib dara.
Hər səhər yoxluğun üzümə açıb,
Daha dərinləşir içimdə yara.

Bir azda sənsizlik dəyişib məni,
Deyirlər yamanca kövrək olmuşam.
Dostlar təriflərdi cəsarətimi,
İndi bir yarpaqdan titrək olmuşam.

Bir azlar, bir azlar bitib-tükənməz,
Saysam dərdim kimi azalmayacaq.
Yazdığım şerlər karıma gəlməz,
Nə qədər yazsam da sən olmayacaq.


Tarix: 19.11.2013 / 04:02 Müəllif: Akhundoff Baxılıb: 80 Bölmə: Sevgi şerləri