beyaz.az

Haqqinda.az

Axtardığın haqqında - Hər gün yeni məlumat öyrən

"Cana, sənə bu yazdığım əsrari-nihandır"

Cana, sənə bu yazdığım əsrari-nihandır,
Hər fərdi öz əhvalıma bir kəşfi-bəyandır.

Üns atəşi-can olduğunu mən də bilirdim,
Atəşzənəvü səng haman ünsi-cahandır.

Fulad yetər daşə, çıxar atəşi-suzan,
Keyfiyyəti-üşşaqə bu nə türfə nişandır.

Sayidə olur müşk, yanar ud, çıxar ətr,
Əsbabi-kəmalati-cahan kəsrəti-candır.

Bəhdət nə odur kim, çəkəsən cismi kənarə,
Təcrid haman təzkiyəvü tibi-cinandır.
Kəsrətdə olan vəhdəti tap, kəsbi-kəmal et,
Tövhidi-xuda kəsrəti-cəmilə əyandır.

Məcnun kimi yığ başına həm vəhşü tüyuri,
Kəsrətdə olan vəhdətü təcrid hamandır.

Yekrəngdi zahirdə əgər beyzə yəqinən,
Aç pərdəsini, gör iki rəng ilə nihandır.

Pendar ilə mən həm özümü fərd görürdüm,
Güzgüyə baxıb gördüm onu məhz yalandır.

Düzlük diləsən, keclər ilə eyləmə ülfət.
Əyrilə düşən keyfiyəti-tirü kəmandır.

İstərsən əgər kəsb edəsən eşqi-həqiqi,
Bazari-məcaz içrə bu kalayi-girandır.

İsbati-vücud etməyə ifnayi-vücud et,
Can feyzi-əbəd almağa tuğrayi-əmandır.

Fani sənə göndərdi dua şerü qəzəldən,
Beynəş-şüəra şerü qəzəl lövhəyi-candır.
Mirzə Sadıq Fani


Tarix: 30.03.2013 / 14:29 Müəllif: *_*M_O_N_I_K_A*_* Baxılıb: 104 Bölmə: Qezeller