Haqqinda.az

Axtardığın haqqında - Hər gün yeni məlumat öyrən

Tanrım mənə nur vermişdi
Tanrım mənə nur vermişdi

Haqdan gəldim yer üzünə haqsız oldum,
Tanrım mənə bəxt vermişdi,baxtsız oldum.
Bir sevgidən taxt vermişdi,taxtsız qaldım.
Mən bilmirdim,nələr varmış yer üzündə,
Yerdən böyük kədər varmış yer üzündə.

Tanrım mənə nur vermişdi, nurum itdi,
Yer üzündə yer vermişdi,yerim itdi,
Öz evimdə oğlum itdi, pərim itdi.
Baldan artıq zəhər varmış yer üzündə,
Yerdən artıq kədər varmış yer üzündə.

Birömürdə neçə qanlı savaş gödüm,
Haqq uğrunda topa dönən min baş gördüm,
Qardaşının qanın içən qardaş gördüm.
Qandan doğan səhər varmış yer üzündə,
Yerdən ağır kədər varmış yer üzündə.

Haqq gəzirdim,şərə düşdüm,böhtan tapdım,
Mən azadlıq istəyirdim,zindan tapdım.
Sağ can itdi, xəstə olan bir can tapdım.
Haqqdan güclü şər varıymış yer üzündə,
Yerdən ağır kədər varmış yer üzündə.

Ev tikirdim, qəbir çıxdı ev yerindən,
Mənim üçün min sirr çıxdı ev yerindən,
Baş açmadım bu sirrlərin heç birindən.
İnsandan çox gor varıymış yer üzündə,
Yerdən ağır kədər varmış yer üzündə.


Tarix: 04.06.2015 / 18:07 Müəllif: Aziza Baxılıb: 58 Bölmə: Qaçay Köçərli
loading...