Haqqinda.az

Axtardığın haqqında - Hər gün yeni məlumat öyrən

loading...
Günlərin birində Molla Nəsrəddin çox bərk xəstələnir.

Günlərin birində Molla Nəsrəddin çox bərk xəstələnir. Arvadın
hər yerdən əli üzülür, qonşularındakı həkimbaşının evinə gedib yalvarır
ki:
– Aman günüdü, həkimbaşı! Kişi bərk azarlayıb. Kasıb adamıq, bir
sürü də uşaq. Nə olar, gəlib ona davadan-dərmandan eləyəsən, bəlkə
sağala.
Həkimbaşı "kasıb adamıq" sözünü eşidən kimi qaşqabağını salladıb
deyir:
– Yazıq kişiyə niyə əzab-əziyyət verirsən? Elə bil mən gəlib baxdım,
dava-dərmanı nə ilə alacaqsan?
Arvad kor-peşman evə qayıdıb əhvalatı Mollaya danışır. İş elə
gətirir ki, Molla sağalır. Günün birində həkimbaşı küçədə çıxır Mollanın
qabağına. Utanmaz-utanmaz deyir:
– Molla, gərək məni bağışlayasan. O günü çox vacib işim oldu, sənin
yanına gələ bilmədim.
150
Molla deyir:
Bu nə sözdü həkimbaşı?! Mən elə səni axtarırdım ki, razıçılıq eləyəm.
Sənin sayəndə mən sağalmışam.
Həkimbaşı təəccüblə soruşur:
– Balam, mənim sayəmdə niyə? Mən ki, səni müalicə eləməmişəm.
Molla deyir:
– Elə ona görə də mən sağalmışam da... Yoxsa, Allah göstərməsin,
sənin o murdar nəfəsin bircə dəfə mənə dəysəydi, indi kim bilir, mən
hansı qəbiristanda idim.


Tarix: 01.06.2013 / 19:55 Müəllif: *_*M_O_N_I_K_A*_* Baxılıb: 90 Bölmə: Azeri Letifeler
loading...