beyaz.az

Haqqinda.az

Axtardığın haqqında - Hər gün yeni məlumat öyrən

Elə sevdim ki , səni

Mən elə sevdim ki , səni
Daşı sevsəm gül açardı.
Mən elə sevdim ki , səni
Lalı sevsəm dil açardı.

Mən elə sevdim ki , səni
Qumu sevsəm göyərərdi.
O qədər ki , səni sevdim
Kimi sevsəm
Yumşalardı,
Kövrələrdi .

Mən səni sevdiyim qədər
Buzu sevsəm əriyərdi.
Dağı sevsəm
Ayaq tutub yeriyərdi.

Mən səni sevdiyim qədər
Kor quyunu sevsə idim
sinəsindən
Zəm-zəm suyu saçılardı.
Mən səni sevdiyim qədər
Kar qayanı sevsə idim
Qulaqarı açılardı.

Mən elə sevdim ki , səni
Səndən başqa
hamı bunun fərqindəydi
sən də məni sevsə idin
mənim qədər
dərdim nəydi?!


Tarix: 26.12.2014 / 14:30 Müəllif: Aziza Baxılıb: 78 Bölmə: Sevgi şerləri