beyaz.az

Haqqinda.az

Axtardığın haqqında - Hər gün yeni məlumat öyrən

"Hər təbəssüm ki, gər ol ləli-şəkərxəndə edər"

Hər təbəssüm ki, gər ol ləli-şəkərxəndə edər,
Özünə yüz dili-şeydanı o dəm bəndə edər.

Toxuna zülfünə nagah nəsimi-səhəri,
Ənbərəfşan qılır, əqli pərakəndə edər.

Pərtövi-bərq ilə pəjmürdəvü suzan kəs tək
Hər nigahında məni ol ruxi-tabəndə edər.

Edəsən ruyinə nəzzarə hər an, dəm güya
Qeyri bir hissi-novicad nigarəndə edər.

Aparır huşumu məstanə dönüb baxması,
Hər zaman naz ilə ol sərv xuraməndə edər.

Firqətindən gözüm ol novgüli-şirindəhənin,
Əşkini əbri-baharan kimi barəndə edər.

Şuxoya, vəqti-həlakımda yetən dəm, ləbdən,
Zində bir busə ilə ol büti-nazəndə, edər.
Mustafa Ağa Şuxi


Tarix: 30.03.2013 / 14:24 Müəllif: *_*M_O_N_I_K_A*_* Baxılıb: 84 Bölmə: Qezeller