beyaz.az

Haqqinda.az

Axtardığın haqqında - Hər gün yeni məlumat öyrən

Dünyada ilk web sayt ...

Dünyada ilk web sayt 6 avqust 1991-ci ildə http://info.cern.ch/ yaradılıb. Onun yaradıcısı Tim Berners Li bu saytda yeni texnologiya olan, HTTP protokolunda məlumatların ötürülməsi, URİ ünvanlama sistemi və HTML Hipermətnə əsaslanan World Wide Web (WWW) texnologiyasının təsvir edib.

Bundan əlavə saytda web server və web brauzerlərin yüklənməsi və istifadə qaydaları barədə məlumatlar yerləşdirmişdir. Sayt dünyada ilk internet kataloq da sayıla bilər. Çünki Berners Lİ sonralar bu saytda başqa saytlara keçidlər siyahısı da yerləşdirmişdir.

İlk əvvəl saytın işləməsinə lazım olan avadanlıqları isə o hələ əvvəlcədən hazırlamışdır. 1990-cı ildə birinci Hipermətn web brauzer, NeXTcube bazasında ilk web server hazırlamışdır.

Tim Berners Li belə hesab edirdi ki, Hipermətn şəbəkədə məlumat mübadiləsi üçün əsas ola bilər və o öz arzusunu həyata keçirə bildi. Hələ 1980-ci ildə o Hipermətn proqram təminatı olan Enquireni hazırladı. Sonralar Jenevada Cenevrədə CERN-də işləyərkən o öz yoldaşlarına bir-biri ilə hiperkeçid əlaqəli olan hipertekstlər yazmağı təklif etdi.

Tim Berners Li HTTP,URİ/UPL və HTML kimi texnologiyaların atası sayılır.Hal hazırda o özünün təsis etdiyi – Ümumdünya şəbəkəsinin Konsorsumunun (World Wide Web Consortium) Rəhbəridir.Bu qurum internet standartlarının hazırlanması və tətbiqi ilə məşğuldur.


Tarix: 21.11.2012 / 13:24 Müəllif: [Ram] Baxılıb: 521 Bölmə: Maraqlı melumatlar