beyaz.az

Haqqinda.az

Axtardığın haqqında - Hər gün yeni məlumat öyrən

Daha yaraşıqlı görünmək üçün 10 sağlam vərdiş

Mükəmməl görünmək üçün Hollywood aktyorları kimi bıçaq altına düşmək lazım deyil, bunun üçün daha asan və faydalı yollar var. Həqiqətən, bu heç də çətin deyil. Çünki hamısı da özünüzə və bədəninizə daha yaxşı baxmanızla əlaqədar şeylərdir. Daha sağlam bir həyat tərzi fiziki baxımdan daha yaxşı görünmənizi təmin edər və dərinizdən göz altı torbalarınıza, hətta saçınızın parlaqlığına qədər hər şey üçün faydalı olar.

Səhərlər aynada gördüyünüz adamın hər zamankından daha cazibəli olmasını istəyirsinizsə, bu 10 sadə sağlamlıq və qidalanma tövsiyələrii tədbiqiniz yetərli.

1. Cildinizə xüsusi önəm verin. Təraş üçün xüsusi köpük və lasyonlardan istifadə edin. Dərinizin qıcıqlanmaması üçün keyfiyyətli ülgüclərə üstünlük verin/ Duş üçün gel , antiperspirant ,ətirlərdən istifadə edin.

2. Dumansız yaşayın. Siqareti tərgidin. Siqaretin sağlamlığa və xarici görünüşdə yaratdığı fəsadlar heç kimə sirr deyil.

3. Düzgün qidalanın. Sağlam bir pəhriz; daha parlaq bir dəri və saçlar, daha cazibədar bir bədən deməkdir.

4. Yuxu rejiminə fikir verin. Ən az səkkiz saat yatın. Bu vacibdir. Eyni zamanda təzyiqi və stressi azaldır. Bunun sayəsində, alnınızdaki və göz kənarınızdaki qırışlar da azalar.Yuxusuzluq, gözlərinizin altının torba-torba olmasına da səbəb olar.

5. Su için. Dərinin, xüsusilə də günəşin səbəb olduğu zərərlərə qarşı düzgün işləyə bilməsi üçün suya ehtiyacı vardır. Gündə səkkiz stəkan su içmək, toksinlərin bədəndən atılmasına da köməkçi olar və qidaları, dərinin daha dərin laylarına daşıyır.

6. Arıqlayın. Köklük təkcə qadınların eybi deyil. Kişilər də kökələndə, xüsusən qarın buraxanda çox eybəcər və kobud görünürlər. Nəzərə alsaq ki, piylənmə özü bir baxımsızlıq sayılır, bu məqama xüsusi diqqət ayrılmalıdır.

7. Antioksidan qəbul edin. Meyvə və sebzelerdeki A, C və E vitamini kimi antioksidantlar, bədən üçün mütləq lazımlıdır. Bunlar dərini bərpa edir və elastikliyini artırar, ürək böhranı və xərçəng riskini azaldır.

8. Spirtli içkilərdən bacardıqca uzaq durun.

9. Dik durun. Düz qamət hər şeydən önəmlidir. Bacarsanız idmanla məşğul olun.

10 . Zövqlə geyinin . Ən önəmlisi sizə yaraşanı geyinin. Bəziləri dəbdir deyə nə gəldi geyinirlər. Təki moda ilə ayaqlaşsınlar. Balacaboy, qısa ayaqlı , bir az qarnı olan kişi dar cins şalvar geyəndə düşünmürmü ki, onun vücüd qüsurları daha qabarıq görünür?


Tarix: 28.11.2014 / 12:56 Müəllif: Aziza Baxılıb: 94 Bölmə: Kişiler haqqında