beyaz.az

Haqqinda.az

Axtardığın haqqında - Hər gün yeni məlumat öyrən

TEMENNASIZ BORC

8 yaşlı Murad anası şam yeməyi hazırlayan zaman mətbəxə gəlib, ona bir kağız uzadır.Anası yaş əlini silib kağızı alır,orada yazılan bu sözləri oxuyur:


*Həyəti təmizlədim: 3 manat


*Otağımı səliqə - sahmana saldım: 2 manat


*Sənin üçün mağazaya getdim: 1.50 qəpik


*Sən işdə olduğun zaman balaca qardaşıma baxdım: 3 manat


...*Zibil atdım: 2 manat


*Məktəbdə yaxşı qiymət aldım: 5 manat


*Cəmi borcun: 16.50 qəpik





Ana bir qədər fikrə gedir, sonra qələmi əlinə alıb kağızın arxasına bunları yazır:


*Səni doqquz ay bətnimdə daşıdım: pulsuz


*Xəstə olduğun günlərdə yanında oturub yuxuya getməyini gözlədim və səhərə qədər Allaha dua etdim: pulsuz


*Öz dəcəlliyinlə məni göz yaşları axıtmağa vadar etdin, amma səbr edib nazını çəkdim: pulsuz


*Hər gecə yuxuya getməzdən əvvəl sənin səhərini, sağlam və əməlisaleh olmağını düşünüb Allaha yalvardım: pulsuz


*İstədiyimi geyinməyib səni gözəl geyindirdim, boğazımdan kəsib səni doyurdum: pulsuz


*Səni hamıdan çox sevib əzizlədim: pulsuz


Murad anasının yazdıqlarını oxuyub gözləri yaşardı, sonra qələmi götürüb kağıza böyük hərflərlə yazdı:


ANACAN, HAMISI ÖDƏNİLDİ!


Tarix: 26.05.2013 / 19:57 Müəllif: *_*M_O_N_I_K_A*_* Baxılıb: 130 Bölmə: Maraqli Melumatlar ve gozellik sirleri