beyaz.az

Haqqinda.az

Axtardığın haqqında - Hər gün yeni məlumat öyrən

Ənvər paşa

Ənvər Paşa (türkcə: Enver Paşa) (Əsil adı: İsmail Enver) - (22 noyabr 1881 İstanbul - 4 avqust 1922 Tacikistan) Osmanlı İmperiyası tarixində əhəmiyyətli rol oynamış Türk hərbiçisi və siyasi xadim.

Ənvər paşa, İttihat və Tərəqqi Cəmiyyətinin öndərlərindən biri olmuş, 1913-cü ildə "Babıali Basqını" adı verilən hərbi çevrilişlə bu partiyanın iqtidara gəlməsinə nail olmuşdur. 1914-cü ildəki Almaniya ilə hərbi ittifaqın və Osmanlı dövlətinin Birinci Dünya müharibəsinə daxil olmasının təşəbbüskarlarından biri olmuşdur. Müharibə illərində Hərb naziri vəzifəsini yerinə yetirmişdir.

Birinci Dünya müharibəsinin məğlubiyyətlə nəticələnməsindən sonra Qafqazda və Mərkəzi Asiyada yaşayan türk xalqlarının dirçəlməsi və birləşməsi üçün mübarizə aparmış, bu uğurda qoşulduğu bir qiyamda Tacikistanda rus ordusu tərəfindən öldürülmüşdür.

1914-cü ildə Sultan Əbdülməcidin nəvəsi (Şahzadə Süleymanın qızı) Naciyə Sultanla evlənərək Osmanlı ailəsinə kürəkən olmuşdur. Bu evlilikdən Türkan Mayatepek (ö. 1989) və Mahpeyker Ürgüp adlı qızları və Əli Ənvər Akoğlu (1921-1971) adlı bir oğlu vardır. Ənvər Paşa, sabiq baş qərərgah rəisi Kazım Orbayın da qaynı idi.


Tarix: 01.03.2013 / 19:44 Müəllif: *_*M_O_N_I_K_A*_* Baxılıb: 205 Bölmə: Dunya ve tarixi