beyaz.az

Haqqinda.az

Axtardığın haqqında - Hər gün yeni məlumat öyrən

Görkəmli bəstəkar Şəfiqə Axundovanın doğum günüdür.

Görkəmli bəstəkar Şəfiqə
Axundovanın doğum
günüdür
21 Yanvar 2014
Bu gün görkəmli Azərbaycan bəstəkarı
Şəfiqə Axundovanın doğum günüdür.
Şəfiqə Axundova
1924-cü il yanvarın 21-də Şəkidə anadan
olub.
1943-1944-cü illərdə Asəf Zeynallı adına
Bakı Musiqi Məktəbində oxuyarkən Üzeyir
Hacıbəylidən dərs alıb. 1956-cı ildə
Ü.Hacıbəyli adına Azərbaycan Dövlət
Konservatoriyasının bəstəkarlıq ixtisası
üzrə B.Zeydmanın sinfini bitirib. 1998-ci
ildə Azərbaycanın xalq artisti adına layiq
görülüb.
2004-cü ildə isə “Şöhrət” ordeni ilə təltif
edilib.
O, 1972-ci ildə “Gəlin qayası” operasını
yazmaqla Şərqin ilk opera yazan qadın
bəstəkarı olub.
Ş.Axundova həm də bir sıra gözəl
mahnıların (“Leyla”, “Bəxtiyar ellər” və s.),
“Ev bizim, sirr bizim” operettasının
(1965), simli kvartet üçün pyeslərin,
dramatik teatr üçün “Aydın”, “Əlvida
Hindistan!”, “Nə üçün yaşayırsan?” və s.
tamaşaların, “Təlxəyin nağılı”, “Dovşanın
ad günü” və s. kimi uşaq tamaşalarının
musiqisinin müəllifidir.
Onun Azərbaycan şairlərinin şeirlərinə
bəstələdiyi gözəl lirik mahnıları və
romansları xalq arasında çox məşhurdur.
Bəstəkar mahnı yazmaq ilə
kifayətlənməyib, mürəkkəb, eləcə də çətin
bir janra müraciət edib.
500-dən artıq əsərin müəllifi olan
sənətkar xanım 2013-cü il iyulun 26-da
vəfat edib.


Tarix: 21.01.2014 / 16:26 Müəllif: *_*M_O_N_I_K_A*_* Baxılıb: 177 Bölmə: Tarixdə bu gün