Haqqinda.az

Bir sevgidən söz düşəndə
bir fəsillər ötüşəndə
fərqi yoxdu bazar,şənbə
həsrətini çəkmişəm mən

yeni sevgi tapanda sən
muradına çatanda sən
məni silib atanda sən
həsrətini çəkmişəm mən

sən sevəndə,seviləndə
gülümsəyib sevinəndə
özgəsinə yar deyəndə
həsrətini çəkmişəm mən

tək otaqda fikrə dalıb
xəyalınla tənha qalıb
səni hər gün yada salıb
həsrətini çəkmişəm mən

qar yağanda izlərinin
yağış yağsa gözlərinin
gecələrdə sözlərinin
həsrətini çəkmişəm mən

ayrılığın verdi zülüm
tükənmişəm yoxdu dözüm
vaxtsız ölsəm bil ki gülüm
həsrətini çəkmişəm mən