beyaz.az

Haqqinda.az

Axtardığın haqqında - Hər gün yeni məlumat öyrən

" Bu payız bir qədər erkən tökülüb yarpaqlar " qəzəli

Rəməli-müsəmməni-məxbüni-məhzuf
fə'ilAtün fə'ilAtün fə'ilAtün fə'ilün


Bu payız bir qədər erkən tökülüb yarpaqlar,
Saxlaya bilmədi yarpaqları tük saplaqlar.

Bu ağaclar nə köməksiz görünür, yarəbbi,
Bir soyuq xəzri didib gövdələrin cırmaqlar.

Ulu bir adəti xatırladığındandır ki,
Örtər öz eybini yarpaqla kasıb torpaqlar.

Bu payız əlcəyə əllər də bir az tez girdi,
İslanır bir qədər erkən bu payız başmaqlar.

Üşüdüb titrədib öskürdü buludlar tez-tez,
Çiləyib göz yaşı hönkürdü bizim çardağlar.

Dustaq ömrün yaşayır arzu, diləklər bu payız,
Xoş xəbər almadı könlümdə yatan dustaqlar.

Bu payız heç məni açmır nəsə, Yasin, vallah,
Nəsə çox tez saralır, tez tökülür yarpaqlar.


Tarix: 26.03.2013 / 19:24 Müəllif: *_*M_O_N_I_K_A*_* Baxılıb: 151 Bölmə: Qezeller