beyaz.az

Haqqinda.az

Axtardığın haqqında - Hər gün yeni məlumat öyrən

Əlif Hacıyev

Azərbaycan Respublikası Prezidentinin 6 iyun 1992-ci il tarixli 831 saylı fərmanı ilə mayor Hacıyev Əlif Lətif oğluna ölümündən sonra "Azərbaycanın Milli qəhrəmanı" adı verilmişdir.

Hacıyev Əlif Lətif oğlu 24 iyun 1953-cü ildə Xocalı şəhərində doğulmuşdur.

1970-ci ildə Əlif orta məktəbi bitirərək sürücülük peşəsinə yiyələnmişdir. 1971-ci ildə ordu sıralarına çağırılmış və hərbi xidməti Minsk şəhərində keçmişdir.

1974-84-cü illərdə Belorusiya DİN-nin və Azərbaycan SSR DQMV-nin daxili işlər orqanlarında müxtəlif vəzifələrdə işləmişdir. 1976-cı ildə SSRİ DİN-nin Frunze adına Xüsusi Orta Milis Məktəbinə daxil olmuş və 1979-cu ildə həmin məktəbi bitirərək, 1981-ci ildən təhsilini SSRİ DİN-nin Akademiyasında davam etdirmişdir.

1990-cı ildə Daxili İşlər orqanlarında Xocalı təyyarə limanı xətt daxili işlər bölməsinə rəis təyin olunur. 1991-ci ildə ona mayor rütbəsi verilir. Erməni silahlı qüvvələrinin Xocalı şəhərinə hücumu zamanı 1992-ci il 26 fevralda qəhrəmancasına həlak olmuşdur.

Ailəli idi. İki qız övladı var.

Bakı şəhərinin Şəhidlər xiyabanında dəfn edilmişdir.

Bakının Nizami rayonundakı küçələrdən biri qəhrəmanın adını daşıyır.


Tarix: 23.08.2012 / 23:21 Müəllif: [Ram] Baxılıb: 593 Bölmə: Qəhramanlar