beyaz.az

Haqqinda.az

Axtardığın haqqında - Hər gün yeni məlumat öyrən

Yağları bu qidalar əridir

Bədənin ehtiyac duyduğu vitamin və minerallar alınmadığı təqdirdə maddələr mübadiləsinin sürəti düşər və immunitet sistemi zəifləməyə başlayır.
Ac qaldıqda isə əzələ itkiləri və müxtəlif xəstəliklər ola bilər. Bu baxımdan sağlam qidalanmaq vacibdir. Sağlam qidalanma üsullarından biri yağ əridən qidalardan istifadədir. Həmin qidalara meyvə və tərəvəz məhsulları da aiddir. Yağ əridən qidalar toxluq hissi yaratmaqla, maddələr mübadiləsini sürətləndirməyə kömək edir. Daha çox artıq çəki problemi olanlar və pəhriz saxlayanlar üçün məsləhətdir.
Qreypfurt, qaragilə, qırmızı bibər, kətan toxumu, yulaf, yumurta, yaşıl çay da yağ əridən qidalardan hesab olunur.
Qreypfrut
Məlumata görə 1 ədəd qreypfrutun tərkibində təxminən 40 mq C vitamini olur. Buda immunitet sistemini gücləndirməklə, insulin hormonuna təsir edir. Bunun nəticəsində iştah azalır və artıq yağlar qismən əriyir.
Qaragilə
Güclü bir antioksidant hesab olunan qaragilə çəki vermək istəyənlər üçün faydalıdır. Həm şirniyyat süfrəsində həm də salatlarda istifadə etmək olar. Qaragilə qan şəkərini nizamlayır, həzmi sürətləndirir və yağlı birləşmələrin bədəndən atılmasını təmin edir.
Qırmızı bibər
Tərkibindəki komponentlər sayəsində maddələr mübadiləsini sürətləndirir və damarlarda yığılan yağlı birləşmələrin bədəndən atılmasına kömək edir.
Kətan toxumu
Omega-3 baxımından zəngin olan kətan toxumunun yağların əriməsində təsirli olduğu bildirilir. Tərkibi aşağı nisbətdə doymuş yağ turşusu, lif, kalium, maqnezium, mis və sink kimi minerallarla qismən zəngindir. Həmçinin kətan toxumu yağ əritməklə immunitet sistemini gücləndirməyə və xolesterolu aşağı salmağa kömək edir.
Yulaf
Lif baxımından zəngin olan yulaf həddindən artıq aclıq hissini yox edir və yemək yemə istəyini ortadan qaldırır. B vitamini baxımından zəngin olan yulafın tərkibində kalsium, maqnezium, kalium, fosfor və dəmir mineralları var. Yulaf toxluq hissi xaricində stressə, yuxusuzluğa və yorğunluğa təsirlidir. Eyni zamanda qandakı şəkər nisbətini və xolesterolu salır.
Yumurta
Toxluq hissi verməsi baxımından təsirli olan qidalardan biri yumurtadır. Tərkibində keyfiyyətli zülal nisbətini ilə digər qidalardan fərqlənir. A, D, E və B qrupu vitaminləri baxımından zəngin olan yumurtada yağ məzmunu aşağıdır. Bu baxımdan normal istifadə edilə bilər.
Yaşıl çay
Məlumata görə antioksidant xüsusiyyəti olan yaşıl çaylar da həzmi asanlaşdırır və artıq yağların əridilməsində təsir göstərir. Bu baxımdan gün ərzində bir stəkan çay içmək pis olmaz.


Tarix: 21.01.2015 / 17:22 Müəllif: Aziza Baxılıb: 100 Bölmə: Qidalanma və Dieta