Haqqinda.az

Axtardığın haqqında - Hər gün yeni məlumat öyrən

AĞIL BAŞQA, ÜRƏK BAŞQA

Bir-birinə bənzəsə də,
Yel başqadır, külək başqa.
Ətri də xoş, rəngi də xoş
Gül başqadır, çiçək başqa.
Hər diki yoxuş bilmə, gəl,
Hər meyi meyxoş bilmə, gəl.
Hər uçanı quş bilmə, gəl
Quş başqadır, böcək başqa.
~ ~ ~ ~ ~ ~ ~ ~ ~
Hər dərdinə ortaq mənəm,
Hər ağrını tən bölənəm,
Sən çəkənsən, mən gələnəm
Gəmi başqa, yedək başqa.
~ ~ ~ ~ ~ ~ ~ ~ ~
Haqqın yolu-öz yolumdur,
Əyilməyən düz yolumdur,
Xeyirlə şər sağ – solumdur
Şeytan başqa, mələk başqa.
~ ~ ~ ~ ~ ~ ~ ~ ~
Bir diləyə mən calandım,
Gah qazandım, gah talandım,
Ömrüm boyu haçalandım
Ağıl başqa, ürək başqa.
~ ~ ~ ~ ~ ~ ~ ~ ~
Dilək oldu mənim adım,
Pərvazlandı qol-qanadım,
Ҫatmadı səbrim, inadım
Әməl başqa, dilək başqa.


Tarix: 21.03.2013 / 20:38 Müəllif: *_*M_O_N_I_K_A*_* Baxılıb: 336 Bölmə: Sevgi şerləri
loading...