beyaz.az

Haqqinda.az

Axtardığın haqqında - Hər gün yeni məlumat öyrən

Həsrətin Gözümdən Daşır..

Sənə demişdim ki, ağlamaram mən,
Bir gün, üz çevirib, gedəsi olsan...
Selə-suya dönüb daşır gözümdən
Həsrətin – qəlbimə sığmadığından!

Sənə demişdim ki, dərd çəkməyəcəm,
Dağ çəkəcəm mənə dərd çəkdirənə...
Sənsizlik ulayır sənsiz – sübhəcən,
Sənsizlik dağ çəkir “dərd çəkməyən”ə!

Sənə demişdim ki, ardınca baxsam,
Gözlərim kor olsun, qulaqlarım kar...
Gözlərim tor tutub – naxışları sən,
Qulağımda yalnız sənin səsin var!

Sənə demişdim ki, geriyə dönsən,
Qapını üzünə bağlayacağam –
Özün də bilirsən, dönmək istəsən,
Qəlbimi taybatay saxlayacağam...


Tarix: 19.11.2013 / 04:02 Müəllif: Akhundoff Baxılıb: 51 Bölmə: Sevgi şerləri