beyaz.az

Haqqinda.az

Axtardığın haqqında - Hər gün yeni məlumat öyrən

Qadınları valeh edən kişi saç modelləri

2013- cü ilin iyun ayında Milanda dəblə maraqlanan hər kəsin diqqətini cəlb edən moda həftəsi keçirilib. Moda həftəsi çərçivəsində geyim kolleksiyaları ilə yanaşı, kişilər üçün 2014-cü ilin dəbi sayılan saç modelləri də nümayiş etdirilib. İndi sizə bu moda sərgisində nümayiş etdirilən müxtəlif kəsimli saç modellərini təqdim edirik. Buyurun,əziz kişilər, sizə uyğun olanı seçin. Bəyəndiyiniz modelin sizə yaraşıb-yaraşmayacağı ilə bağlı saç ustanızla məsləhətləşin. Əgər onun da münasibəti müsbətdirsə, niyə də risk edib bu dəyişikliyi sınamayasınız?

Ön uzun, arxa hissə qısa

Salvatore Ferragamoya aid olan bu saç modelinin 2014-cü ilin əsas trendlərindən olacağı özlənilir. Ön hissəsi uzun olan bu saç modeli yan və arxa hissələrinin qısalığı ilə seçilir.

Salvatore Ferragamo - Alternative View - MFW S/S 2014

Klassik model

Arxaya daranmış saçların gel ilə müxtəlif formalara salınması modeli daha “cool” göstərir, onu digərlərindən fərqləndirir.

Etro - Runway - MFW S/S 2014

Sadə uzun saçlar

Sadə görünüşlü bu modelin əsas üstünlüyü ondan ibarətdir ki, onu hər dəfə başqa formada yığıb ətrafdakıları təəccübləndirə bilərik.

Etro - Runway - MFW S/S 2014

Bandalar geri qayıtdı

Bəli, bandalar geri qayıdır, çünki qadınlar qədər olmasa da, saçda belə aksesuar istifadə etməyi kişilər də sevir. Bandanaların digər bir üstünlüyü isə saçınız səliqəsiz, çirkli olanda bu üsulla gizlədə bilməyinizdir.

FASHION-ITALY-MILAN-MEN-VIVIENNE WESTWOOD

Açıq sarı saçlar

Artıq yalnız qadınlar deyil, kişilər də saçlarını boyaya bilirlər. Burada qəribə heç nə yoxdur, əgər dəri rənginiz istədiyiniz saç rənginə uyğundursa, belə ani dəyişiklikləri sınamaq lazımdır.

Diesel Black Gold - Runway - MFW S/S 2014

Yandan ayrılan saçlar

Salvatore Ferragamo kolleksiyasında yandan ayrılmış saç modellərindən də istifadə edib. Bu saçı klassik modelindən fərqləndirən əsas cəhət onun bir tərəfinin digər tərəfə nisbətən qabarıq formaya salınmasıdır.


Tarix: 07.01.2015 / 13:00 Müəllif: Aziza Baxılıb: 52 Bölmə: Kişi Tərzi