beyaz.az

Haqqinda.az

Axtardığın haqqında - Hər gün yeni məlumat öyrən

Yeni doğulan körpələrdə göbəyə qulluq

Ana bətnində uşağın qidalanmasını təmin edən göbəkbağı doğumdan sonra kəsilir və qısa müddət ərzində quruyaraq qəhvəyi rəngə çalır.Göbəkbağı əsasən ilk 2-3 həftə ərzində düşür. Bəs göbəkbağına necə qulluq etmək lazımdır?

Uşağınızın bezini dəyişərkən belini göbəyinin altında bağlamağa çalışın.Beləliklə,göbəkbağı uşağın sidiyi ilə islanmaz və daha tez quruyar.


Göbəkbağının düşməsində ən vacib amillərdən biri də quru qalmasıdır.Buna görə də göbəkbağının dibini tez-tez ifrazatlardan təmizləsəniz,yaxşı olar.Göbəkbağında sinir hüceyrəsi olmadığı üçün uşağınız ağrı hiss etməyəcək.


Göbəkbağının quruması üçün müxtəlif maddələrdən istifadə etmək əvəzinə öz-özünə düşməsinə çalışın.Son vaxtlar aparılan tədqiqatlar da göbəkbağının təbii şəkildə qurumasının düşməsini sürətləndirdiyini göstərir.


Göbəkbağı düşənə qədər uşağınızı dəsmalla "çimizdirin".Göbəkbağı düşdükdən sonra isə su ilə də çimizdirə bilərsiniz.


Bəzən valideynlər uşağın göbəyini "düzəltməyə"çalışırlar.Halbuki göbəyin forması anadan gəlmə olur və heç bir müdaxilə etməyə ehtiyac yoxdur.

Bəzən göbəkbağı düşdükdən sonra sarımtıl ifrazat olur.Buna tibbi dildə "umbilikal granulom" deyilir.Həkiminiz belə hallarda gümüş nitratdan istifadə edərək ifrazatın qarşısını ala bilər.


Göbəkbağı düşdükdən sonra müşahidə edilən hallardan biri də qanamadır.Bunun üçün əvvəlcə göbəyə 10 dəqiqə pambıq qoyun.Əgər qanama dayanmasa,həkiminizə müraciət edin.


Əgər göbəkdə sarı iltihablı ifrazat varsa və pis iy verirsə,ya da göbəyin ətrafında qızartı və şiş müşahidə edirsinizsə,həkiminizlə məsləhətləşin.


Tarix: 06.12.2012 / 11:27 Müəllif: *_*M_O_N_I_K_A*_* Baxılıb: 533 Bölmə: Hamiləlik