Haqqinda.az

Axtardığın haqqında - Hər gün yeni məlumat öyrən

Əzab

Sən yuxu sandığın məhəbbəti

Gün gələr özgələr yozarlar, əlbət.

Mən ölsəm, sevgilim, bil ki, sən qəti

Qəlbində qəbrimi qazarlar, əlbət.



Mən ki, gizli sevdim hər zaman səni

Sormadım haçandı, hansı fəsildi.

O gün ki, istədim sevməyim səni

Ürəyim özümə düşmən kəsildi.



Mən sənə deməkçün əl açıb göyə

Hələ deyilməmiş söz istəyirəm.

Hər yerdə mən səni qoy görüm deyə

Allahdan əlavə göz istəyirəm.



Əsirgəməz bir fəsillik ömrünü

Çəməndə gül-çiçək səndən ötəri.

Cismim torpağındır, ruhum göylərin

Yaranmış bir ürək səndən ötəri.



Eh, fikir-xəyalım çıxıb özümdən

Hey sənin arxanca düzülüb gedir.

Bir damla göz yaşı qopsa gözümdən

Bil ki, o, mənəm üzülüb gedən.


Tarix: 19.11.2013 / 04:02 Müəllif: Akhundoff Baxılıb: 135 Bölmə: Sevgi şerləri
loading...