beyaz.az

Haqqinda.az

Axtardığın haqqında - Hər gün yeni məlumat öyrən

Görüş (film, 1955)

Məzmun
Film bir-birilə yarışan Azərbaycan və Özbəkistan pambıqçılarının ənənəvi dostluğuna həsr edilmişdir. Filmin mərkəzində iki gəncin — özbək qızı Lala (Nelli Ataullayeva) ilə azərbaycanlı Kamilin (Arif Mirzəquliyev) saf məhəbbəti durur. Əmək qəhrəmanı, məşhur pambıqçı Lalaya olan saf məhəbbəti tənbəl və qayğısız Kamili kənd təsərrüfatı qabaqcılları sırasına gətirib çıxarır. Filmdə belə bir fikir irəli sürülür: Əmək insanı zinətləndirir, onu camaatın gözündə qaldırır və ona xoşbəxtlik gətirir.

Film haqqında
Film quruluşçu rejissor Tofiq Tağızadə kinoda ilk müstəqil işidir.
Film aktyor Əliağa Ağayevin kinoda ilk işidir.
Film aktrisa Barat Şəkinskayanın kinoda ilk işidir.
Film aktyor Ceyhun Mirzəyevin kinoda ilk işidir.

Səhvlər
Davamlılıq : Meşədə Musa Lalanı Bilqeyis zənn edib ona yaxınlaşanda Lalanın yaylığı başındadır. Bir kadr sonra yaylıq onun çiyinlərindədir.

Filmin heyəti

Film üzərində işləyənlər
Ssenari müəllifi : Ədhəm Qulubəyov, Nina Mustafayeva(Nina Pozina kimi)
Quruluşçu rejissor : Tofiq Tağızadə
Quruluşçu operator : Teyyub Axundov, Cavanşir Məmmədov
Quruluşçu rəssam : Cəbrayıl Əzimov, Elbəy Rzaquliyev
Bəstəkar : Tofiq Quliyev
Səs operatoru : İlya Ozerski
Rejissor : Əjdər İbrahimov
Mahnıların Mətni : Zeynal Cabbarzadə
Rejissor assistenti : L. Berladir
Rəssam assistenti : Məmməd Hüseynov
Qrim rəssamı : M. Petrova, S. Pozdeyeva
Filmin direktoru : V. Dudiyev
Çalır : Üzeyir Hacıbəyov Adına Azərbaycan Dövlət Simfonik Orkestri
Dirijor : Tofiq Quliyev
Mahnıları İfa edir : Şövkət Ələkbərova, Lütfiyar İmanov, Ş. Mustafayeva (titrlərdə yoxdur)
Operator assistenti : Əlihüseyn Hüseynov (titrlərdə yoxdur)

Rollarda
Arif Mirzəquliyev-Kamil
Nelli Ataullayeva-Lala
Leyla Bədirbəyli-Bilqeyis
Həsənağa Salayev-Musa
Münəvvər Kələntərli-Münəvvər
Əliağa Ağayev-Şıxəli
Ağahüseyn Cavadov-Əbülfəz
Barat Şəkinskaya-Şövkət
Sona Aslanova-Firəngiz
Əzizə Məmmədova-Əzizə
Məmmədəli Vəlixanlı-Çayçı
A. Norbayev-Niyaz
Fateh Fətullayev-Quluzadə
Süsən Məcidova-Səlminaz
Mustafa Mərdanov-Əsgər
Müxlis Cənizadə-Ənvər
R. Mirzəyeva-Almaz
Cabbar Əliyev-Şarip
H. İsmayılova
Sədaqət Zülfüqarova-Pambıqçı
K. Yusipova
B. Şirəlibəyov
Ceyhun Mirzəyev-Şıxəlinin oğlu (titrlərdə yoxdur)
Tələt Rəhmanov-Kolxoz işçisi (titrlərdə yoxdur)
Şəfiqə Qasımova-Pambıqçı (titrlərdə yoxdur)

Filmi səsləndirənlər
Əli Zeynalov-Kamil (Arif Mirzəquliyev) (titrlərdə yoxdur)
Sofa Bəsirzadə-Lala (Nelli Ataullayeva) (titrlərdə yoxdur)

Sitatlar
Bilqeyis (Leyla Bədirbəyli) : Həmən qız bax budur, görürsünüzmü?
Pambıqçı (Sədaqət Zülfüqarova) : Nə qəşəng qızdır.
Pambıqçı (Şəfiqə Qasımova) : Çox gözəl gözləri var.
Pambıqçı (Sədaqət Zülfüqarova) : Gözlərindən görünür ki, xoşxasiyyət və mehribandır.
Bilqeyis (Leyla Bədirbəyli) : Mehribandır? Bir dayanın, görərsiniz necə mehribandır. Qızlar, bu yoxlama yaman olacaq haa. Bununla yarışmaq asan iş deyil.
Pambıqçı (Sədaqət Zülfüqarova) : Ay qızlar, mənim elə indidən ürəyim döyünür.
Pambıqçı (Şəfiqə Qasımova) : Çox nahaq yerə.
Firəngiz (Sona Aslanova) : Mənimki heç bir damcı da döyünmür. Nədən qorxuruq ki? Bizim sahəni kimə istəsən göstərmək olar.
Pambıqçı (Şəfiqə Qasımova) : Əlbəttə.
Firəngiz (Sona Aslanova) : İşdir, əyir-əskikimiz olsa, nə olar ki, o ki sənin dostundur.
Pambıqçı (Şəfiqə Qasımova) : Həə.
Bilqeyis (Leyla Bədirbəyli) : Biz elə dostlardan deyilik. Bir də bizim sahə ilə onu mat qoymaq olmaz. O, bizdən yenilik gözləyir.
Firəngiz (Sona Aslanova) : Bizdə yenilik də tapılar.
Bilqeyis (Leyla Bədirbəyli) : Hə tapılar. Burnumuza kağız yapışdırırıq, gözəllik hayına düşmüşük. Məhsul artırırıq.
Firəngiz (Sona Aslanova) : Mənim burnumun heç kəsə dəxli yoxdur. Gözəlliyin də məhsula zərəri dəyməz. Bura bax, sən özün də təzə yaylıq bağlayıbsan. Deyillər Musa gəlir. Həə?
Bilqeyis (Leyla Bədirbəyli) : Musanın bura nə dəxli var? Bir də bu nə olan işdir ee? Xalq bizi yoxlamağa gəlir, biz də burada durub söz güləşdiririk.
Firəngiz (Sona Aslanova) : Bu qıza heç bir kəlimə söz demək olmur
Pambıqçı (Şəfiqə Qasımova) : Söz var, söz var də. Bəs sən onun qardaşı Kamilin dalınca düşürsən, o sənə heç bir söz demir.
Firəngiz (Sona Aslanova) : Kim? Mən?
Pambıqçı (Şəfiqə Qasımova) : Yox, mən.
(Musanın maşını görünür)
Firəngiz (Sona Aslanova) : Ora bax. Özü gör, necə qaçacaq.
Pambıqçı (Şəfiqə Qasımova) : Necə bəyəm? Musa gəlib?
Firəngiz (Sona Aslanova) : Hə.
Bilqeyis (Leyla Bədirbəyli) : Bura baxın, ay qızlar. Mən kəndə getməliyəm. Vacib işim var.
Firəngiz (Sona Aslanova) : Var, var, əlbəttə var.
Bilqeyis (Leyla Bədirbəyli) : Axı, Lalə bizdə qalacaq. Mən gərək tədarük görəm. Başa düşürsünüz.
Firəngiz (Sona Aslanova) : Lap yaxşı başa düşürük.
Pambıqçı (Sədaqət Zülfüqarova) : Yeri,onun sözlərinə qulaq asma.
Pambıqçı : Yeri, tez ol. Axı, sən gərək tədarük görəsən.
Pambıqçı (Şəfiqə Qasımova) : Yubanma qonaqlar səni gözləyir.
Firəngiz (Sona Aslanova) : Mən sizə demədim qaçacaq.


Musa (Həsənağa Salayev) : Mən dünən şəhərdə onların hamısını gördüm
Bilqeyis (Leyla Bədirbəyli) : Sən orada bir gözəl görmədin?
Musa (Həsənağa Salayev) : Mən ömrümdə ancaq bir gözələ rast gəlmişəm və ona demək istəyirdim ki.. (bu zaman maşının yanından Kamil motosikletlə keçir). Axx, lənətə gələsən.
Bilqeyis (Leyla Bədirbəyli) : Necə?
Musa (Həsənağa Salayev) : Yox.
Bilqeyis (Leyla Bədirbəyli) : Lənətə?
Musa (Həsənağa Salayev) : Mən o motosikletdəki axmağı deyirəm.
Bilqeyis (Leyla Bədirbəyli) : O mənim qardaşımdır.
Musa (Həsənağa Salayev) : Kamil? O motosikleti haradan alıb?
Bilqeyis (Leyla Bədirbəyli) : Anam alıb.
Musa (Həsənağa Salayev) : Əcəb sürür.
Bilqeyis (Leyla Bədirbəyli) : Yaxşı sürür? Hay-küyü var. Əlindən bir şey gələn deyil.
Musa (Həsənağa Salayev) : Ay qız, cavandır da.
Bilqeyis (Leyla Bədirbəyli) : Cavanlıq deyil, axmaqlıqdır. Ali məktəbə girdi, kəsildi. Xor dərnəyindən yapışdı, atdı. Oxumur, işləmir. Lap avaradır
Musa (Həsənağa Salayev) : O ki elektrostansiyaya girmək istəyirdi.
Bilqeyis (Leyla Bədirbəyli) : Götürmədilər. Adamı qara gözlərinə görə işə götürmürlər ki.
Musa (Həsənağa Salayev) : Ehh. Qara gözlərə can qurban vermək olar
Bilqeyis (Leyla Bədirbəyli) : Mən zarafat eləmirəm.
Musa (Həsənağa Salayev) : Mən də ciddi deyirəm.
Bilqeyis (Leyla Bədirbəyli) : Sənə nə var ki. Amma mənim qardaşım qoşulub kəndimizin tənbəllərinə. Səhərdən axşamacan çayxanada itib batır. Mənə qulaq asmır. Anam da ki, onun nazını çəkir.
Musa (Həsənağa Salayev) : Əziz xələfdir də.
Bilqeyis (Leyla Bədirbəyli) : Evdə də bir kişi yoxdur ki, heç olmasa ona nəsihət eləsin.
Musa (Həsənağa Salayev) : Bax, burada Kamilin heç bir günahı yoxdur.
Bilqeyis (Leyla Bədirbəyli) : Bura bax, bəlkə sən onunla danışasan, ona bir nəsihət eləyəsən.
Musa (Həsənağa Salayev) : Mən? Mənim nə haqqım var ki? Mən ki onun qohumu deyiləm.
Bilqeyis (Leyla Bədirbəyli) : O sənə çox hörmət eləyir. Bir də ki, o, yad sözünə daha tez baxar.
Musa (Həsənağa Salayev) : Yad sözünə? (Musa maşını saxlayır) Çatdıq.
Bilqeyis (Leyla Bədirbəyli) : Belə öküz arabasında ancaq kələm daşımaq olar. Sağ ol.
Musa (Həsənağa Salayev) : Ehh.


1-ci Pambıqçı : Uşaqlar, Əbülfəzə bir baxın. Görəsən indi haradan atırlar bayıra.
2-ci Pambıqçı : Bilmirsən? .......çılıq briqadasından.
1-ci kəndli oğlan : Sən hələ Şıxəliyə bax, Şıxəliyə.
2-ci kəndli oğlan : Arvadının qoltuğunun altına girib.
Ənvər (Müxlis Cənizadə) : Kamilə bax, Kamilə. Həmişə o motosikletin belində idi. İndi motosiklet onun boynuna minib.
Pambıqçı : İndi qəzet onları düzəldər.
Əsgər (Mustafa Mərdanov) : Arxayın ol. Onları elə düzəltsinlər ki, özün də afərin deyəsən. Kolxozumuzda bir nəfər tənbəl qalmayacaq.


Şıxəli (Əliağa Ağayev) : Necə yanı tənbəl? Hm, tənbəl. Kadrlardan düzgün istifadə eləmək lazımdır. Hər adamın öz yeri var. Şeş-beş. Birinin yeri tarladır, o birinin yeri..
Əsgər (Mustafa Mərdanov) : Toyxana.
Şıxəli (Əliağa Ağayev) : Nə?
Çayçı (Məmmədəli Vəlixanlı) : Rəhbərlik.
Şıxəli (Əliağa Ağayev) : Əhsən. Qədir bilən yoxdur də.
Əbülfəz (Ağahüseyn Cavadov) Gözləri götürmür də. Biri elə mən özüm. Briqadaya qədəm qoyan kimi, o saat...
Çayçı (Məmmədəli Vəlixanlı) : O saat mitilivi atırlar bayıra.
Şıxəli (Əliağa Ağayev) : Şeş-sə.
Çayçı (Məmmədəli Vəlixanlı) : Əşi belə də ədalətsizlik əlar.
Əbülfəz (Ağahüseyn Cavadov) Ədalət yoxdur də. İndi mən pambıq suvarıram, yenə də hər tərəfdən qəmiş qoyurlar.
Əsgər (Mustafa Mərdanov) : Canın çıxsın, pambığa həddindən artıq su buraxma, qəmiş qoymasınlar.
Əbülfəz (Ağahüseyn Cavadov) Çahar-yek. Əşi mən tarla üçün su əsirgəmirəm. Axşamdan suyu açıb buraxıram pambığa nə qədər içir içsin də. Çahar-du.
Əsgər (Mustafa Mərdanov) : Sən heç özünə də əsirgəmirsən.Gecə-gündüz hey qarnını doldurursan.
Çayçı (Məmmədəli Vəlixanlı) : Heç dəxli var? A balam, kişi öz qarnına doldurur də. Sənin ki, qarnıva doldurmur.
Əbülfəz (Ağahüseyn Cavadov) Öz puluma içirəm də.
Şıxəli (Əliağa Ağayev) : Əh.
Əbülfəz (Ağahüseyn Cavadov) Paxıllığa bax aa. Çahar yek.
Şıxəli (Əliağa Ağayev) : Əşi, sənə nə? Öz zəhmətimizlə qazanmışıq, xərcləyirik.
Əsgər (Mustafa Mərdanov) : Bura bax! A bala, zəhmət haqqı sənin niyə olur? O ki arvadın Şövkətin pullarıdır.
Şıxəli (Əliağa Ağayev) : Bəs, arvadım Şövkət kimindir? Düldülü.
Əbülfəz (Ağahüseyn Cavadov) Sən öləsən Şıxəli gözləri götürmür.
Əsgər (Mustafa Mərdanov) : Tfu.
Əbülfəz (Ağahüseyn Cavadov) Sə-bir.
(Kamil çayxanaya daxil olur)
Şıxəli (Əliağa Ağayev) : Pahoo, Kamil, xoş gördük.
Kamil (Arif Mirzəquliyev) : Şıxəli, Əbülfəz, xəbəriniz var?
Şıxəli (Əliağa Ağayev) : Yox.
Əbülfəz (Ağahüseyn Cavadov) Yox.
Kamil (Arif Mirzəquliyev) : Bizə qonaq gəlir.
Şıxəli (Əliağa Ağayev) : Nə?
Əbülfəz (Ağahüseyn Cavadov) Qonaqlar kimdir?
Kamil (Arif Mirzəquliyev) : Özbək pambıqçılarının nümayəndələri.
Şıxəli (Əliağa Ağayev) : Həə.
Əbülfəz (Ağahüseyn Cavadov) Bəs, bu kimdir?
Kamil (Arif Mirzəquliyev) : Məşhur özbək pambıqçısı, sosialist əməyi qəhrəmanı Lala İzmailova
Şıxəli (Əliağa Ağayev) : Bəh,bəh,bəh,bəh.
Çayçı (Məmmədəli Vəlixanlı) : Aaaaa.
Şıxəli (Əliağa Ağayev) : Bax, bolluca əmək günü bundadıdr haa.
Əbülfəz (Ağahüseyn Cavadov) Nə qəşəng qızdır.
Çayçı (Məmmədəli Vəlixanlı) : Öz aramızıdır, Əbülfəz, nə sənə yaraşan qızdır.
Əbülfəz (Ağahüseyn Cavadov) Həə?
Çayçı (Məmmədəli Vəlixanlı) : Həəə. Belə bir nişanlın olsa lap Şıxəlidən də artıq dolanarsan. Ye, iç, yat. Hehehehe.
Əbülfəz (Ağahüseyn Cavadov) Rişxənd eləmə bala, rişxənd eləmə. Dünyadır də. Qoy, bir tanış olaq. Bəlkə elə bir-birimizi sevdik, adaxlandıq.
Kamil (Arif Mirzəquliyev) : Bura ver. Adaxlıya bax.
Şıxəli (Əliağa Ağayev) : Şişşş sakit, sakit. Görəsən qonaqlarımız nə vaxt gələcək?
Çayçı (Məmmədəli Vəlixanlı) : Əgər, aeroplanla gəlsələr, gərək indi göydə olsunlar.
Şıxəli (Əliağa Ağayev) : Eh eh.
Kamil (Arif Mirzəquliyev) : Sabah buradadırlar.
Şıxəli (Əliağa Ağayev) : Həə?


Tarix: 14.02.2013 / 20:57 Müəllif: *_*M_O_N_I_K_A*_* Baxılıb: 728 Bölmə: Filimler