Haqqinda.az

Qanlar içirtdi qönçeyi-xəndanə ləblərin
Yüz tənə vurdu ləli-Bədəxşanə ləblərin.

Cam içrə ta olunca müqabil dodağuva
Döndərdi badənin ürəyin qanə, ləblərin.

Kafər, nə təşnədir dodağın qanın içməyə,
Rəhm eyləməzmi hiç müsəlmana ləblərin?

Sirri-dəhanüvü nə bilir qeyrlər ki, hiç
Vaqif degül bu nöqteyi-pünhanə, ləblərin.

Zəncirə salmağa genə divanə Rağibi,
Verdi icazə zülfi-pərişanə, ləblərin.