Haqqinda.az

Axtardığın haqqında - Hər gün yeni məlumat öyrən

Küsəyən Qadınlar

Bu şəxslər şüur altında bir çox qorxularla yaşayırlar. İkinci plana atılma, tərk edilmə, aldadılma kimi qorxular bunların başlıcalarındandır. Cahiliyyə sisteminin yanlış təmələ əsaslandığını bildiklərindən hər an vəfasızlıqla qarşılaşa biləcəklərini düşünürlər. Bu səbəblə də qarşılaşdıqları hər hadisəni, eşitdikləri hər sözü bu psixologiya ilə qiymətləndirirlər.

Evlilik ildönümü, ad günü və s. kimi əhəmiyyətli bir günün, yoldaşları, ya da uşaqları tərəfindən unudulmuş olması cahiliyyə qadınlarının küsmələri və şıltaq davranışları üçün çox uyğun zəmin hazırlayır. Adi bir unutqanlıqda belə, artıq sevilmədiklərini, əhəmiyyət verilmədiklərini, ya da ikinci plana atıldıqlarını düşünərək küsəyənlik hissinə qapılırlar. Bu ruh halları çox vaxt böyük mübahisələrə və gərgin anlara səbəb olur.

Mömin qadının xarakterində isə, bu cür əxlaq pozuqluğu yoxdur. O hər şeydən əvvəl Allahın əmrinə görə nə insanlar, nə də hadisələr barəsində zənnə qapılmaz. Aydın olmayan söz, ya da davranış varsa bunu mütləq dəqiqləşdirir, qarşı tərəfin məqsədini və niyyətini öyrənir və bu haqda öz fikrini bildirir. Amma heç vaxt nə olduğunu tam anlaya bilmədiyi mövzu, ya da söz haqqında zənnlər edərək bunlara əsaslanıb küsmür. Onsuz da küsməyin Quran əxlaqına uyğun olmadığını bilir. Bununla yanaşı mömin qadının evliliyi və ya dostluqları da yenə möminlərlə olacağından onsuz da belə şeylərə səbəb ola biləcək bir şey də olmaz. Çünki mömin xarakteri, sözlərin açıq və doğru danışılmasını tələb edir. Allah, kinayəli sözdən, ya da cahiliyyə olan "söz atmaq" kimi pis əxlaqdan möminləri məhrum etmişdir. Göründüyü kimi, mömin qadın Qurana tabe olduğu üçün bu cür əxlaq pozuqluğunun təsir etmədiyi son dərəcə rahat və etibarlı həyat yaşayır.


Tarix: 11.06.2013 / 20:23 Müəllif: *_*M_O_N_I_K_A*_* Baxılıb: 82 Bölmə: Maraqli Melumatlar ve gozellik sirleri
loading...