Haqqinda.az

Axtardığın haqqında - Hər gün yeni məlumat öyrən

Xərçəngdən qorunmaq üçün döşəmə sil!

Əksər evdar xanımlar evdə oturmaqdan, ev işləri görməkdən bezdiklərini dilə gətirsələr də, alimlər onları xoşbəxt, rahat həyat tərzi olan qadın hesab edirlər. Dəfələrlə evdar qadınların işgüzar qadınlara nisbətən daha uzunömürlü olmasını, onların iş mühitindəki stressdən, əsəbdən uzaq olması səbəbindən xəstəliklərə tutulma riskinin aşağı olduğunu aşkarlayıblar. Bu dəfəki araşdırma da kifayət qədər maraqlı olub. Düşünürük ki, araşdırmanın nəticələrini bilən evdar xanımlar bundan sonra öz işlərindən məmnun olacaqlar. Çünki...
Ev işləri ilə məşğul olmaq qadınlarda süd vəzi xərçənginin yaranma riskini 13% azaldır. Oksford universitetinin alimləri belə qənaətə gəliblər ki, gündə ən azı 3 saat ev işləri ilə məşğul olmaq qadında bu xəstəliyin qarşısını alır. Onlar “Cancer Research UK” proqramı çərçivəsində 257.805 avropalı qadının sağlamlığını təhlil edib sonda bu nəticəyə gəliblər. Alimlər bildiriblər ki, müxtəlif fiziki hərəkətlər süd vəzisində xərçəngin yaranmasının qarşısını alır. Ev işləri də fiziki hərəkətlər sırasına daxil olduğundan, paltar yumaq, ütüləmək, otaqları təmizləmək və digər ev işləri xanımların sağlamlığına xeyli faydalıdır, onlarda süd vəzi xərçənginin yaranmasının qarşısını alır.
Bir sözlə, əziz xanımlar, ev işlərindən gileylənməyin, çünki o işlər sağlamlığınıza müsbət təsir göstərir.


Tarix: 12.05.2013 / 18:16 Müəllif: *_*M_O_N_I_K_A*_* Baxılıb: 106 Bölmə: Maraqli Melumatlar ve gozellik sirleri
loading...