Məlumatlara görə 8 aprel 2009-cu ildə Facebook sosial şəbəkəsində 200 millionuncu istifadəçi qeydiyyata düşüb. Bu haqda məlumat Facebook şəbəkəcinin rəsmi bloqunda qeyd olunur.Nielsen məlumatlarına əsasən, 2009-cu ilin fevral ayında Facebook sosial şəbəkəsinin ABŞ-dakı auditoriyası 65,7 million istifadəçidən ibarət olub. Bu şəbəkədən keçən ilin fevral ayından 20 million insan istifadə edirdi. İstifadəçilərin sayı 228 faiz çoxalıb.
Facebook sosial şəbəkəsinin dünya üzrə istifadəçilərinin sayı da sürətlə artır. Belə ki, bu şəbəkə artıq dörd dilə tərcümə olunub. Fevral ayının ortalarında şəbəkənin əməkdaşları Facebook sosial şəbəkəsinin ümumi auditoriyasının 175 million istifadəçidən ibarət olduğunu bildirmişlər. Bir ay ərzində şəbəkənin istifadəçilərinin sayı 25 million artıb.
Dünyanın ən iri sosial şəbəkələrindən biri olan Facebook 2004-cü ildə yaradılıb. Qeyd edək ki, Çinin QQ (Qzone) sosial şəbəkəsinin istifadəçilərinin sayı daha çoxdur. Belə ki, bu sosial şəbəkənin istifadəçilərinin sayı 376 milliondur. Lakin QQ(Qzone) sosial şəbəkəsi yalnız Çində istifadə olunur.
Tarix: 21.11.2012 / 11:43 Müəllif: [Ram] Baxılıb: 302 Bölmə: Maraqlı melumatlar