Haqqinda.az

Axtardığın haqqında - Hər gün yeni məlumat öyrən

Sekslə bağlı bildiyimiz yalanlar

Nə qədər çox danışılan mövzu olsa da, bu barədə mütəxəssis fikri ilə insanlar arasında yayılan şayiə arasında kifayət qədər uyğunsuzluq var. İndi sizinlə peşəkar psixoloq və seksoloqların cinsi münasibət haqqında fikirlərini bölüşmək istəyirik. Əminik ki, aşağıdakı faktları oxuyarkən siz də “mən bunun əksini eşitmişdim”, “axı, mənə belə deməmişdilər” deyəcəksiniz.

1.Seksin insan vücuduna müsbət təsir göstərdiyi hər kəsə məlumdur. O, sağlamlıq baxımından xeyirlidir, amma xəbəriniz olsun ki, xəstə olduğunuz zaman yaşadığınız cinsi münasibət sizin sağlamlığınıza müsbət yox, mənfi yöndə təsir göstərəcək. Əslində ciddi əhəmiyyət verməsəniz də, qrip və bu kimi keçici xəstəliklərə yoluxduğunuz halda, cinsi əlaqə ilə məşğul olmaq bu xəstəliyin daha da sürətlə yayılmasına şərait yaradır. Buna görə də xəstə olduğunuz zaman sekslə məşğul olmamağınız sağlamlığınız üçün daha məsləhətlidir.

2. “Evliliyə hazır olmaq üçün mütləq evlilikdən öncə cinsi əlaqədə olmaq lazımdır”. Bu fikri irəli sürən insan çox güman ki, şəxsi düşüncələrini, istəklərini əsas götürür. Çünki, sözügedən fikrin həqiqətlə heç bir əlaqəsi yoxdur. Evlilikdən öncə cinsi əlaqənin münasibətə müsbət təsir göstərməsi, bunun evliliyə hazıqlıq mərhələsi hesab edilməsi tamamilə yalnış fikirdir. Doğru olan özünüzü hazır hiss etdiyiniz zaman cinsi həyat yaşamağa başlamağınızdır.

3. “Seks sevginin tək sübutudur”. Təəssüflər olsun ki, bu fikri əldə bayraq kimi saxlayanlar çoxdur. Əgər sevdiyiniz insan ona olan sevginizi cinsi əlaqə ilə sübut etməyinizi istəyir, hətta bunu istəmədiyiniz halda israrlı davranırsa……təəssüflər olsun ki, yalnış insan rast gəlmisiniz. Bu zaman yeganə çıxış yolu nə qədər çətin olsa da, ondan uzaqlaşmaqdır.

4. Kiminləsə cinsi münasibətdə olmaq heç də o demək deyil ki, tərəf müqabiliniz sizi həmişə sevəcək. Çox vaxt deyirlər ki, seks sona çatmaq üzrə olan münasibətlərin ömrünü uzadır. Diqqət edin “Ömrünün uzadır”. Bu heç də sonsuzadək davam etməsinə kömək edir demək deyil. Unutmayın ki, uzunömürlü münasibət üçün yalnız seks kifayət deyil. Mükəmməl cinsi həyatları olmasına baxmayaraq, ayrılan, boşanan cütlüklər kifayət qədərdir.

5. Növbəti bir yalnış fikir daha: “Seks olmadan yaşamaq olmaz”. Bu. bəlkə də seks haqqında söylənilən ən böyük yalandır. Hər bir şəxsin belə tələbatı olsa da, seks olmadan da yaşamaq mümkündür. Həyatının sonuna qədər subay yaşayan 1000-lərlə, bəlkə də daha çox insan var. Yəqin ki, siz də heç olmasa bir nəfər belə insan tanıyırsınız.


Tarix: 06.01.2015 / 19:06 Müəllif: Aziza Baxılıb: 65 Bölmə: Kişi yataqda
loading...