Haqqinda.az

Axtardığın haqqında - Hər gün yeni məlumat öyrən

Futbol üzrə dünya çempionatları və loqotipləri

Futbol üzrə dünya çempionatı necə görünür? "Bax, belə!" –, deyə loqotip bizə bu haqda bildirir.

Bu movzuda maraq dairəsinin geniş olmasını nəzərə alaraq, sizlərə 1930-cu ildən 2010-cu ilə qədər futbol üzrə dünya çempionatlarının “loqo evolyusiyası”-nı təqdim edirik. Həmçinin həmin illərdə final oyunu və çempionun adını da bilmək istəyənlər üçün qeyd edirik. Bilənlər üçünsə yenidən yada salmaq istərdik.

1930-cu ildən 2010-cu ilə qədər Dünya Kuboku loqotipləri:

1930-cu ildə çempionat Uruqvayda keçirilib. Argentina ilə final oyununda 4:2 hesabı ilə meydan sahibi olan Uruqvay komandası birinci dünya kubokunun sahibi olur. 3-cü yerdə ABŞ, 4-cü yerdə Yuqoslaviya qərarlaşır.

1934-cü ildə cempionat İtaliyada baş tutub. Finalda İtalya Çexoslavakiya ilə üzləşir. 2:1 hesabı ilə meydan sahibləri kuboku İtalyada saxlamağa müvəffəq olurlar. 3-cü yer Almaniya, 4-cü yer Avstriya.

1938-ci ildə Fransada keçirilən dünya çempionatında Macarıstan ötən Mundial kubokunun sahibi İtalya ilə finalda görüşməli olur. Qarşılaşma 4:2 hesabı ilə İtalya yığmasının qələbəsi ilə başa çatır və İtalya kuboka sahiblik hüququnu qoruyub saxlayır. Həmin ildə Braziliya yığması 3-cü yerlə kifayətlənməli olur. 4-cü yeri İsveçrə tutur.

2-ci Dünya Müharibəsinin törətdiyi dəhşətlər Mundialdan da yan keçmədi. 1930-cu ildən 1950-ci ilə qədər Dünya Kubokunda 12 il fasilə yarandı. 1950 –ci ildə çempionat Braziliyada keçirildi. Finalda Uruqvayla meydan sahibləri Braziliya komandası arasında güclərini sınamalı oldular. Bu qarşılaşmada Uruqvay 2:1 hesabı ilə güclü olduğunu sübut etdi və həmin kuboku vətənlərinə apara bildi. 3-cü yer İsveç, 4-cü yer isə İspaniya yığmasının oldu.

1954-cü ilin Dünya Kuboku İsveçrədə baş tutdu. Final oyunun qalibi Macarıstan yığmasını 3:2 hesabı ilə məğlub edərək Almaniya Federativ Respublikası (FRQ) oldu. Avstriya 3-cü, Uruqvay 4-cü yerin sahibləri oldu.

1958-ci ildə Dünya Kubokunun finalında İsveçdə Braziliya yığması meydan sahiblərini 5:2 hesabı ilə məğlub edərək birinci dəfə mundialın qalibi oldu. İsveş 2-ci, Fransa isə üçüncü yerdə qərarlaşdı. 4-cü yer Almaniya Federativ Respublikasının oldu.

1962-ci ildə çempionat Çilidə keçirilir. Finalda Braziliya Çexoslovakiyaya qarşı oynayır. Hesab 3:1. Braziliya 2-ci dəfə dalbadal kubokun sahibi olur. 3-cü yeri Çili yığması, 4-cü yeri Yuqoslaviya komandası əldə edir.

1966-cı il hər bir ingilis üçün tarixi bir ilə çevrilir. Mundial tarixində ilk və yeganə kubokunu həmin ildə İngiltərə qazanır. Finalda Almaniya Federativ Respublikasına 4:2 hesabı ilə qalib gəlir. 3-cü yeri Potuqaliya, 4-cü yeri isə SSRİ ( Sovet Sosialist Respublikalar İttifaqı ) tutur.

1970-ci ildə Meksikada keçirilən Dünya Çempionatında finalda İtaliya yiğmasına 4:1 hesabı ilə qalib gələrək Braziliya 3-cü dəfə kuboku qazanıb tarix yazdırır. Almaniya Federativ Respublikası 3-cü, Uruqvay isə 4-cü yerin sahibləri oldular.

1974-cü ildə Almaniya Federativ Respublikası çempionata ev-sahibliyi edirdi. Bu Mundialda AFR kuboku qazanmağa müvəffəq oldu. Finalda Hollandiya yığmasına 2:1 hesabı ilə qalib gələn Almaniya 2-ci dəfə çempionluğu adına yazdırdı. 3-cü yer Polşa , 4-cü yeri Braziliya yığması tutur.

1978-ci ildə Argentinada keçirilən çempionatın qalibi yenə də meydan sahibləri olurlar. Hollandları 3:1 hesabı ilə yenən Argentina kuboku qazandı. 3-cü yer Braziliya, 4-cü yer İtaliya.

1982-ci ildə İspaniya Mundialı ağuşuna aldı. Finalda İtalya yığması Almaniya Federativ Respublikasını 2:1 hesabı ilə üstələdi və kuboka növbəti dəfə sahib çıxdı. 3-cü yer Polşanın, 4-cü yer isə Fransanın qisməti oldu.

1986-cı il Mundial Meksikada 2-ci dəfə keçirildi. Çempionat ilk dəfə idi ki, ikinci dəfə eyni ölkədə baş tuturdu. Final Argentina-Almaniya Federativ Respublikasının qarşılaşması ilə və Argentinanın 3:2 hesablı qələbəsi ilə tarixə düşdü. 3-cü yer Fransa, 4-cü yer isə Belçikanın oldu.

1990-cı il, İtalya. Finalda Almaniya Federativ Respublikasının komandası Argentina yığması ilə qarşılaşır. Görüşdə AFR 1-0 hesablı qələbəsi ilə kuboku 3-cü dəfə başı üzərinə qaldırmaq hüququnu qazanır. 3-cü yer İtalya, 4-cü yer İngiltərə.

1994-cü ildə ABŞ-da Braziliya 4-cü dəfə çempionluğu adına yazdırdı. Komandalar final oyununda əsas vaxt ərzində qapılara yol tapa bilməsələr də, təyin olunmuş penaltilər seriyasında Braziliya İtalyanı üstələyir (əsas vaxt 0:0, penaltilər seriyası 3:2). 3-cü yer İsveç, 4-cü yer Macarıstan.

1998-ci ildə Mundiala sahiblik edən Fransa yığması, final oyununda yaşıl meydana da, oyuna da sahib olduğunu nümayiş etdirdi. Braziliya yığmasını 3:0 hesabı ilə məyus edərək 2-ci dəfə çempionluğu adına yazdırdı. 3-cü yerdə Xorvatiya, 4-cü yerdə Hollandiya Mundialı başa vurdular.

2002-ci ilin Dünya Kuboku ilk dəfə 2 müxtəlif ölkənin yaşıl meydanlarında keçirildi. Bu Mundial “Koreya-Yaponiya FİFA Dünya Kuboku” adı ilə Cənubi Koreya və Yaponiyada keçirilməklə tarixə yazıldı. Finalda Braziliya Almaniyanı 2:0 hesabı ilə məğlub edərək 5-ci dəfə yaxşıların ən yaxşısı olduğunu dünyaya göstərdi. 3-cü yer Türkiyə, 4-cü yer isə Cənubi Koreya.

2006-cı Mundial ili Almaniyada. Finalda 1:1 nəticələnən İtaliya və Fransa oyunu, penaltilər seriyasında 5:4 hesabı ilə Fransanın məğlubiyyəti ilə nəticələndi. 3-cü yer Almaniya, 4-cü yer Portuqaliya.

2010-cu il Cənubi Afrika Mundiala qucaq açdı. Finalda İspaniya Hollandiyanı 1:0 hesabı ilə məğlub edərək tarixində ilk dəfə kuboku başı üzərinə qaldırdı. Mundialın 3-cüsü Almaniya, 4-cüsü isə Uruqvay oldu.


Tarix: 04.12.2014 / 17:10 Müəllif: Aziza Baxılıb: 83 Bölmə: Futbol
loading...