Haqqinda.az

Axtardığın haqqında - Hər gün yeni məlumat öyrən

Əli Zeynalov

Əli Yusif oğlu Zeynalov - Azərbaycan aktyoru, film səsləndirən, mətn oxuyan.

Həyatı

Əli Yusif oğlu Zeynalov 4 aprel 1913-cü ildə Salyanda anadan olub. Atası Yusif Zeynalov (1887-1965) ilk əlifba kitabının müəllifidir. Uzun illər pedaqoji fəaliyyətlə məşğul olub. Əli Zeynalov da öz atasının yolunu davam etdirib. Pedaqoji təhsil alıb. Aktyorluğa marağı böyük olduğundan müxtəlif dərnəklərə üz tutub. 1928-ci ildə Biləsuvar kənd cavanlarının hazırladığı "Şeyda" tamaşasındakı baş rolu ilə çoxlarının rəğbətini qazanıb. Bakı Pedaqoji və Teatr Texnikumlarını (1933) bitirdikdən sonra o, bir müddət Moskva teatrlarında istehsalat təcrübəsi keçib, geri döndükdən sonra Şəki Dövlət Dram Teatrında işləyib. İrəvan Tearında (1934-1935), Dram Teatrında (1945-1975) işləyib. Əli Zeynalovun uzun illər rejissor Tofiq Kazımovla fəal yaradıcılıq əlaqəsi ona gözəl sənət uğurları gətirib. İlyas Əfəndiyevin "Sən həmişə mənimləsən" pyesində bu iki sənətkar – quruluşçu rejissor Tofiq Kazımov və Həsənzadə rolunun ifaçısı Əli Zeynalov böyük uğur əldə ediblər. Yumşaq tembrli gözəl səsə, aydın diksiyaya malik оlan Əli Zeynalоv bədii qiraət ustası kimi də tanınmışdı. İncəsənət İnstitutunda "səhnə danışığı" fənnindan dərs deyib. Əli Zeynalov "İki ömrüm olsaydı..." kitabının müəllifidir. O, 1975-ci ildə səhnəni tərk etməsini belə açıqlayıb: "Bir gün teatrın direktoru məni yanına çağırıb dedi ki, "Vaqif" tamaşasını bərpa edirik. Götür Vaqifi yaz. - Nə? Ələsgər Ələkbərovdan, Kazım Ziyadan sonra mən – Vaqif? - Onda I pərdədə Vaqifi görməyə gələn kəndlilərdən birinin rolunu yaz. Bunu eşidəndən sonra otaqdan çıxıb truppa müdiri Qürbətin yanına gəldim, ondan bir qələm-kağız aldım, ərizə yazaraq teatrdan getdim. Mən belə teatrda işləyə bilməzdim." Azərbaycan xalq artisti (1964), Ermənistan əməkdar artisti (1939), M.F.Axundov adına Respublika Mükafatı laureatı (1965) Əli Zeynalov 1988-ci ildə dünyasını dəyişib.
Aktrisa Mirvari Novruzovanın həyat yoldaşıdır.

Filmoqrafiya
Axşam konserti (film, 1948)
Aygün (film, 1960)
Bəxtiyar (film, 1955)
Bir qalanın sirri (film, 1959)
Birisigün, gecəyarısı... (film, 1981)
Bizim küçə (film, 1961)
Bizim qəribə taleyimiz (film, 2005)
Dağlarda döyüş (film, 1967)
Əsl dost (film, 1959)
Gənc metallurqlar (film, 1956)
Görüş (film, 1955)
Gümüşgöl əfsanəsi (film, 1984)
Həyat bizi sınayır (film, 1972)
Xoşbəxtlik qayğıları (film, 1976)
İstintaq davam edir (film, 1966)
İyirmialtılar (film, 1966)
Köhnə bərə (film, 1984)
Köhnə Dəbli Komediya (tv tamaşa)
Kölgələr sürünür (film, 1958)
Qanun naminə (film, 1968)
Qara daşlar (film, 1956)
Qaraca qız (film, 1966)(film, kinoalmanax)
Qəribə əhvalat (film, 1960)
Leyli və Məcnun (film, 1961)
Mən ki gözəl deyildim (film, 1968)
Möcüzələr adası (film, 1963)
Mollanın sərgüzəşti (film, 1960)
O olmasın, bu olsun (film, 1956)
Onun böyük ürəyi (film, 1958)
Poçt qutusu (film, 1967)
Romeo mənim qonşumdur (film, 1963)
Səhər (film, 1960)
Səhər (veriliş, 1995)
Telefonçu qız (film, 1962)
Uşaqlığın son gecəsi (film, 1968)
Uzaq sahillərdə (film, 1958)
Üzeyir ömrü (film, 1981)
Üzü küləyə (film, 1977)
Vaqif (film, 1968)
Yenilməz batalyon (film, 1965)


Tarix: 06.02.2013 / 20:43 Müəllif: *_*M_O_N_I_K_A*_* Baxılıb: 635 Bölmə: Aktyorlar
loading...