Haqqinda.az

Axtardığın haqqında - Hər gün yeni məlumat öyrən

İtirdin sevgimi, itirdin məni
İtirdin sevgimi, itirdin məni

İtirdin sevgimi nə qazandın bəs?
Heç zərrə qədər də peşman olmusan?
Dərdimə Mən səndən umsamda çarə
Əğyarın dərdinə dərman olmusan

Allahım qarşıma çıxarıb səni
Bəlkədə mənidə sınağa çəkdi
Səni sevən gündən dostlar tanışlar
Məni bir bir hamı qınağa çəkdi

Bacarmadın sevilməyi sevməyi
Vermədin sevgimə bir dəyər qədir
Mənimçün həmişə maraqlı qaldı
Bəs sənin dərdinin özəyi nədir?

Qorudum hər zaman mən öz sevgimi
Sən isə sevgini oyuncaq bildin
Səninçün yazdığım sevgi sətrini
Oxumaq bir yana baxmadan sildin

Elə bağlandı ki gözlərim sənə
Bu eşqin sonunda hicran görmədim
Üzündə görsəm də saxta təbəssüm
Qəlbində bir insaf,vicdan görmədim

Nə ad qoyum nə deyimki mən sənə?
Sözünlə əməlin tutuşa bilmir
Sənə qarşı düyünlənib hisslərim
Qürurum sevgimlə barışa bilmir

İtirdin sevgimi itirdin məni
Boş yerə axtarıb yorma özünü
Bir zaman eşqinlə bitirdin məni
Görmək istəmirəm indi üzünü


Tarix: 29.04.2015 / 11:47 Müəllif: Aziza Baxılıb: 463 Bölmə: Sevgi şerləri
loading...