Haqqinda.az

Axtardığın haqqında - Hər gün yeni məlumat öyrən

Arzular

Gedir arzular da köçəri quş tək,
Əl atıb saxlama, saxlamaq çətin.
Xəyallar qarışır arzu, diləyə
Tutub bir-birindən ayırmaq çətin.
Gedir qürbət yerə nakam diləklər
Arzunu arzu tək saxlar ürəklər, Külü sovuracaq ancaq küləklər,
Sənin üfürmənlə sovurmaq çətin.
Duman ol, çiskin ol, boran ya tufan,
İnsan əməyiylə bil olur insan,
Gecələr yuxusuz qalmaqla inan,
Valideyn borcunu qaytarmaq çətin. Əzəli belədi fani dünyanın,
Qədrin bil vaxtında ata-ananın,
Zəngi çalındısa canı alanın,
Qapını arxadan bağlamaq çətin.
İnsana vaxtında qiymət ver insan
Kasıba, yetimə atma bir tikan, Sonradan nə qədər olsanda peşman
Səni o ürəkdə axtarmaq çətin.
Çox şeyə yumasan gərək iki göz,
Bir az səbirli ol, bir azcada döz…
Söndürsən ürəkdə ocağ, ya da köz
Təzədən ocağı qalamaq çətin. Qışını, yaynıda oyatmaq asan,
Əmini,daynıda oyatmaq asan,
Yatan ayınıda oyatmaq asan,
Yatan taleləri oyatmaq çətin


Tarix: 19.11.2013 / 04:03 Müəllif: Akhundoff Baxılıb: 122 Bölmə: Sevgi şerləri
loading...