Haqqinda.az

Axtardığın haqqında - Hər gün yeni məlumat öyrən

Dəriyə qışda necə qulluq etməli ?!

Geoloji mövqeyindən asılı olmayaraq ilin soyuq aylarında dəriyə özünəməxsus qulluq edilməsi tələb olunur.Şimal qütbü üçün qış fəslinə dekabr,yanvar və fevral,cənub qütbü üçün isə iyun,iyul və avqust ayları aid edilir.Hər bir halda soyuq seborreya və perioral dermatit,soyuq qızarması kimi bir çox xəstəliklərin aktiv şəkil almasına səbəb olur.Bu zaman dəri vəzilərinin funksional pozğunluğu səbəbindən yağ və maye ifrazatı balansı pozulur və xüsusilə üz və ağızətrafı nahiyələrdə səpkilər və sızanaqlar aktiv şəkildə çoxalmağa başlayır,burun qanadları və qulaq seyvanı arxasında yağ topacıqları müşahidə olunur.Mütəxəssislərin araşdırmalarına görə dəridəki iltihabi prosesin inkişafına səbəb kimi onun su-maye mühafizə sisteminin soyuğun və küləyin təsirindən zəifləməsidir.

Bədənin soyuqdan mühafizəsi üçün ilk növbədə rahat,eyni zamanda isti paltarlar geyinilməli,boyun və əllərin qorunması üçün şarf və əlcəklər taxılmalı,ayaqqabı kimi isti içlikli vasitələrdən istifadə olunmalıdır.Dermatoloqlar bayıra çıxmazdan təqribən 1 saat əvvəl əl və üz üçün nəzərdə tutulmuş yumşaldıcı kremlərdən istifadə olunmasını məsləhət görürlər.Quru dərilər üçün kombinə olunmuş və yağlı kremlərdən istifadə olunması faydalıdır.Uşaqların üz və əl dərisinə uşaq kremləri və ya adi vazelin sürtülməlidir.


Tarix: 09.01.2013 / 22:35 Müəllif: *_*M_O_N_I_K_A*_* Baxılıb: 174 Bölmə: Saglamliq
loading...