Haqqinda.az

Axtardığın haqqında - Hər gün yeni məlumat öyrən

Ballı – Yumurtalı Pəhriz

Balla yumurta sarısının qarı-şığı özündə hədsiz sayda vitamin, mineral, zülal və karbohidrat birləşdirir. Üstəlik, ona sıxılmış limon suyu bu həzzi daha da qiymətli edir. Bu pəhriz aşağı kalorili pəhrizlərdən heç də fərqlənmir. Orqanizmi təmizləyir, gücləndirir, arıqladır, adamı tox tutur.

I gün:
Səhər: 2 yumurtanın sarısını 1 çay qaşığı balla qarışdırıb (mikser və ya blenderdə), 1 fincan limonlu çayla içirsiz.
Günorta: 90 gr yağsız pendir, bir çay qaşığı bal qatılmış qəhvə
Axşam: kiçik boşqabda bulyon, bir dilim qara çörək, alma Yatmazdan əvvəl: limonlu açıq rəngli çay

II gün:
Səhər: yenə də balla yumurta sarısı qarışığı, qəhvə
Günorta: bal, yumurta qarışığı, 100 qr kəsmik, limonlu çay
Axşam: quş əti, tərəvəz salatı, limonlu çay

III gün:
Səhər: bal yumurta qarışığı, limonlu çay
Günorta: 50 qr yağsız pendir, qara çörək, 200 qr kələm-kök salatı (üzərinə limon sıxılmış)
Axşam: 300 qr buğda bişmiş tərəvəz, yumurta, bal qatılmış çay
Pəhriz həftələri zamanı hansı mayelər içilməlidir?
SU – gündə minimum 3 stəkan. Yaxşı olar ki, suya bir azca limon suyu sıxasız. Təbii ki, əgər təzyiqiniz imkan verirsə.
OLMAZ: distillə olunmuş su, qazlı, şirəli. Distillə edilmiş suda mineral və duz yoxdur. Bu su bədəni qurudur.
ÇAY – yaşıl çay, rəngi açıq qara çay şirniyyatsız, qəndsiz içilməlidir. Çayı quru meyvə və balla içə bilərsiz. İndi mağazalarda bol olan meyvəli çayları tətbiq edin. Kəskin qoxulu, acı və yandırıcı otlardan dəmləmələrlə ehtiyatlı olun, çünki ac qalmış mədə qişasını yandıra bilərsiz.
KEFİR VƏ QATIQ – hər axşam yatmazdan əvvəl bir stəkan yaxşıca çalınmış qatıq və ya kefir için.
AYRAN OLMAZ – çünki iştahı artırır, adamı tez acıdır.
SÜD QƏTİ OLMAZ: süd bəzən pəhriz menyusu ilə tərs-mütənasib olur və mədə-bağırsaq sistemini pozur.
İştahı kəsən içkilər
Bal və limon qatılmış su və ya çay
Quru meyvələrdən bişirilmiş kompot
Kvas
İtburnu dəmləməsi
Qadınlar üçün bəd xəbər!

33 yaşından sonra pəhrizlər effektsiz olur
Britaniya alimləri 25 min qadın və kişi üzərində apardıqları müşahidələrdən belə nəticəyə gəliblər ki, 30 yaşından sonra yığılan piy və artıq çəkidən xilas olmaq üçün heç bir pəhriz effekt vermir. Arıqlamaq cəhdləri cəmi 4-5 kq nəticə verir. Hər il 12 milyon britaniyalı çəki atmağa cəhd edir, onlarınsa yalnız 10%-i nəticəyə nail olur.

33 yaşından sonra 2-3 kq çəki atmağa ən azı 1 il lazım gəlir. Mütəxəssislər məsləhət görür ki, əgər çəkiniz çoxdursa, 31 yaşına kimi onu azaldın. Sonradan yaxşı olar ki, arıqlamağa yox, çəkini artırmamağa nəzarət edəsiz.


Tarix: 27.12.2012 / 11:22 Müəllif: *_*M_O_N_I_K_A*_* Baxılıb: 575 Bölmə: Saglamliq
loading...