Haqqinda.az

Axtardığın haqqında - Hər gün yeni məlumat öyrən

"Füsuni-hüsnü zinət,ey cəhani-fani,səndə var"

Füsuni-hüsnü zinət,ey cəhani-fani,səndə var,
Nə cür mən uymayım sənə,həvayi-nəfs məndə var?!

Cəhani-fani içrə çox həvayi-nəfsə uymuşam,
Hidayət əhliyəm bu gün,qəbahətim dünəndə var.

Könül,məbadə aldanıb,unutma yövmi-məhşəri,
Rəsuli-Mustəfa demiş,o gün həqiqətən də var.

Vücudi-ruhi-adəmi,bu dərk olunmaz aləmi,
Xuda xəfayi-elm ilə yaratdı,hər bədəndə var.

Cəmii-xəlq xilqətin, həyatı-dəhr hikmətin,
Rümuzi-sirri həm budur gələn də var,gedən də var.

Yığıb mənalü mülkü kim törətsə fitnəvü fəsad,
Əzabi-dəhşəti-əcəl ölüm zamanı təndə var.

Hər an qəmi-fəraq üzür Qəvimi,cismü canımı,
Mənim tək aləm içrə bir başı bəlalı bəndə var?


Tarix: 31.03.2013 / 17:23 Müəllif: *_*M_O_N_I_K_A*_* Baxılıb: 79 Bölmə: Qezeller
loading...