Haqqinda.az

Axtardığın haqqında - Hər gün yeni məlumat öyrən

Saçlarınız tökülməsin!!!

Tez-tez eşitdiyimiz şikayətlərdən biri də saç tökülməsidir.
Bunun təbii proses olduğunu bilsək də, bir çox xəstəliklər də saç tökülməsinə səbəb olur. Qanazlığı, qalxanvarı vəzi, toxuma xəstəlikləri saç tökülməsində mühüm rol oynayır. Dəridə müşahidə etdiyimiz bir çox xəstəliklər də saçın tökülməsinə gətirib çıxara bilər. Saçın tökülməsinə təsir edən amillərdən biri də saça düzgün qulluq etməməkdir. Təbii ki, burada saçlara vurulan kimyəvi maddələrin də (məsələn, saç rəngi kimi) rolu az deyil.
Günahkar yalnız hormonlar deyil...
Kişilərdə saçların tökülməsinə əsas səbəb hormonlardır. Ancaq hamıda hormonlar eyni olmasına baxmayaraq, bu proses eyni şəkildə baş vermir. Saçların tökülməsinə hormonların (bunu başqa cür reserptorlar da adlandırırlar) təsiri son 20 illik tədqiqatların nəticəsidir. Ancaq bu sahədə tədqiqatlar davam etdiyi üçün hələlik bundan artıq bir şey demək çətindir.
Uzunömürlü saçlar üçün...
Mütəxəssislər saçların uzunömürlü olması üçün aşağıdakıları məsləhət görürlər:
Saçınızı yaş-yaş daramayın.
Metal daraqlardan az istifadə edin.
Saçları çox yüksək temperaturda qurutmayın.
Əvvəlcə saçı dəsmalla qurulayıb sonra saçqurudan maşından istifadə edin (təbii ki, aşağı temperaturdan başlamaq şərti ilə).
Hər saça bu saçın xüsusiyyətlərinə uyğun qulluq edin.
Diqqət, diqqət...
Gündəlik gördüyümüz bəzi işlər də saçların ziyan görməsində mühüm rol oynayır. Və bütün bunlar tədricən saçların codlaşmasına və parlaqlığını itirməsinə gətirib çıxarır. Bunlar əsasən aşağıdakıladır:
Sürtünmə (saçlar gecə yastığa sürtündükdə də ziyan görür),
Sancaq taxmaq,
Saçları düz daramamaq,
Saç rəngindən və müxtəlif kimyəvi maddələrdən istifadə etmək,
Saçlara uyğun olmayan təmizlik maddələrindən istifadə etmək.


Tarix: 24.11.2014 / 10:18 Müəllif: Aziza Baxılıb: 42 Bölmə: Maraqli Melumatlar ve gozellik sirleri
loading...