Haqqinda.az

Axtardığın haqqında - Hər gün yeni məlumat öyrən

Dərinizi günəşdən qoruyun!

Dərini yay mövsümündə günəş şüalarının bütün pis təsirlərindən qorumaq vacib şərtdir.
Artıq bu günlərdən çimərlik mövsümü başlayır. Günəş şüalarının zərərli təsirlərindən və yayın isti, tər və mikroblarından dərini qorumaq çox əhəmiyyətlidir.

Çalışın ki, 11:00 – 15:00 saatları arasında günəş altında olmayasınız.
Sıx toxunmuş və açıq rəng geyimləri seçin. Gün eynəyi və şapkadan istifadə etməyi unutmayın.
Dermatoloqların dəri tipinə görə təklif etdiyi qorunma kremlərini dərinizə günəşə çıxmazdan 30 dəqiqə əvvəl tətbiq edin.
Günəş şüasından qorunmaq üçün istifadə etdiyiniz kremlər suya girərkən yaxud dəsmalla qurulandığınız zaman tədricən azalır. Bunun üçün də bu kremləri gün ərzində yeniləyin.

İsti mövsümdə təmiz, dezinfeksiya olunmuş hovuz və çimərlikləri seçin.
Yaş çimərlik geyimi ilə uzun müddət qalsanız bu, xüsusilə də qadınlarda bir çox qadın xəstəliklərinin yaranmasına şərait yaradar. Odur ki, dənizdən, hovuzdan çıxan kimi quru çimərlik paltarını geyinin.

Hovuz kənarında individuallığınızı qoruyun. Heç kəsin əşyasından istifadə etməyin. Əks təqdirdə göbələk xəstəliyinin yayılması asanlaşar. Öz başmaqlarınızı, fərdi əşyalarınızı istifadə edin.
Dəniz və hovuzdan sonra, təmiz suyla, şampun və sabunlarla duş qəbul edin.

Duşdan dərhal sonra bədəninizi nəmləndirici kremlə nəmləndirin.
Quru, buruq və ya boyalı saçlarınız varsa saç kremlərindən istifadə edə bilərsiniz.
Çox islanıb quruyan dırnaqlar asan qırılır. Dırnaq boyası və təmizliyiciləri də bu təsiri artırır. Dırnaqlarınızı uzatmayın, dırnaq boyasından az istifadə edin. Ən əsası isə əlinizə vurduğunuz nəmləndiricilərlə dırnaqlarınızı da nəmləndirin. Dırnağı sərtləşdirən məhsullardan uzaq durun.


Tarix: 23.12.2012 / 14:25 Müəllif: *_*M_O_N_I_K_A*_* Baxılıb: 584 Bölmə: Maraqli Melumatlar ve gozellik sirleri
loading...