Haqqinda.az

Axtardığın haqqında - Hər gün yeni məlumat öyrən

ƏSMƏUL HUSNƏ (ƏN GÖZƏL İSİMLƏR) MUHSİN

əl-Muhsin – Yaxşılıq edən, xeyirxah işlər görən, minnət etmədən verən deməkdir. Əhsənə felindən ismi fail olaraq alınmışdır. Qurani Kərimdə İsim olaraq deyil fel olaraq keçər. «O, mənə yaxşılıq etdi, çünki məni zindandan qurtardı». (Yuxuf 100). Əbu Yəla Şəddad İbn Əus (r.a) rəvayət edir ki, Peyğəmbər (s.a.v) buyurdu: «Həqiqətən də Allah hər şeydə ehsanı yazmışdır. Öldürdüyünüz zaman gözəl şəkildə öldürün. Kəsdiyiniz zaman gözəl bir şəkildə kəsin. Sizdən (heyvan kəsən şəxs) bıçağını yaxşıca itiləsin və kəsəcəyi heyvanı rahatlasın»
(Müslim 1955, AbdurRazzaq “Musənnəf” 4/392, əl-Albani “Səhih Cəmi” 1/129, “İrva” 7/293. )

Allahın Insanlara Olan Ehsanı: Onları yoxdan var etməsi və onlara digər varlıqlardan daha gözəl bir biçimdə yaratması. «Sizə surət verən və surətlərinizi gözəlləşdirən …Allahdır». (əl-Mumin 64). Digər canlılardan fərqli olması, düşünə bilməsi və hidayət yolunu görə bilməsi üçün ona ağıl verdi. «Biz ona hidayət yolunu göstərdik. O, ya şükr edər, ya da nankorluq». (İnsan 3). «Sizə şükr edəsiniz deyə qulaq, göz və qəlb verdik». (ən-Nəhl 78). İslama hidayət etməsi. Allahın quluna ən böyük ehsanı budur. Vəhb İbn Münəbbi deyir ki: Nemətlərin başı üçdür. İlki İslam nemətidir. Bütün nemətlər yalnız bununla tamam olur. İkinci nemət sağlamlıq nemətidir. Üçüncü nemətdə zənginlik nemətidir ki, bu nemət olmadan həyatın dadı olmaz».

». Peyğəmbər (s.a.v) buyurdu: «İnsanlardan bir çoxunun qəflətdə olduqları iki nemət vardır (onların qədrini heç vaxt bilməzlər). Sağlamlıqlarının və vaxtın»
(Buxari 6412. )
Onu Nəbiləri Peyğəmbərin (s.a.v) ümmətindən etməsi. Bu ümmətin digər ümmətlərdən üstün olduğuna görə. «Siz insanlar üçün çıxarılmış ən xeyirli ümmətsiniz». (Ali İmran 110). Onlara kitabı olan Qurani Kərimi nazil etməsi və öyrətməsi. «Həqiqətəndə bu bir öyüd-nəsihətdir. Kim istəsə Rəbbinə tərəf yol tutar». (Dəhr 29). «Bu nazil etdiyimiz mübarək bir kitabdır. Ona tabe olun ki, bəlkə sizə rəhm olunsun». (əl-Ənam 155).


Tarix: 05.05.2013 / 14:33 Müəllif: *_*M_O_N_I_K_A*_* Baxılıb: 59 Bölmə: Maraqlı melumatlar
loading...