Haqqinda.az

Axtardığın haqqında - Hər gün yeni məlumat öyrən

"İdiot"dan seçdiklərim

F.M.Dostoyevskinin ən lirik əsəri sayılan "İdiot" romanını bundan bir neçə ay öncə oxumuşam. Romanı oxuyarkən bəyəndiyim bəzi cümlələri özüm üçün qeyd etmişdim. Bu yazımda isə onlardan bəzilərini sizlərlə paylaşmaq istəyirəm:

• Adam öldürməyə görə insanı öldürmək cinayətin özü ilə müqayisədə çox böyük cəzadır.

• Hökm ilə adam öldürmək,quldur kimi adam öldürməkdən qat-qat dəhşətlidir.

• Şəfqət bütün bəşəriyyətin ən əsas ,bəlkə də, yeganə varlıq qanunudur.

• Lakin ən ehtiyatlı adam da, qonşu evindən başına düşən kərpicdən heç vaxt qoruna bilməz.

• Məsələ həyatdadır, yalnız həyatda, — heç də onu kəşf etməkdə deyil, kəşfetmə prosesində, fasiləsiz və daimi kəşfetmə prosesindədir !

• Nəzakət və ləyaqəti rəqs müəllimi öyrətmir ,qəlb özü təlqin edir.

• Fərdi xeyirxahlıq həmişə mövcud olacaqdır; ona görə ki ,bu, şəxsiyyətin tələb və ehtiyacıdır.

• Xoşbəxt olub axmaq vəziyyətində yaşamaqdansa, bədbəxt, lakin xəbərdar olmaq yaxşıdır.

• Deyirlər ki, heç bir şeyə təəccüb etməmək, çox ağıllı olmaq əlamətidir.

• Təcrübəsiz adam mühakimə yürütməməlidir.

• Lakin hər şeyin müəyyən həddi var, hətta keyfiyyətlərin də.

• Bəlkə də, öz ideyanızın ən əsas cəhətini heç kəsə verə bilməyib elə bu cür də öləcəksiniz.

• Deyirlər ki, itaətli olmaq dəhşətli qüvvədir.

• Lakin müəyyən kütbeyinlik, gərək ki, hər bir xadimin də olmasa, hər bir ciddi pulpərəstin, demək olar, zəruri keyfiyyətidir.

• İnsanın qəlbini uşaqlar müalicə edir.

• Etiraz bəzən az iş deyil.

• İxtiraçılar və dahilər, demək olar həmişə, öz fəaliyyətlərinin başlanğıcında (çox vaxt da axırında) cəmiyyətdə ancaq axmaq hesab edilirdilər.

• Bilirsinizmi,mən başa düşmürəm, necə ola bilər ki, gördüyün halda onun yanından ötüb özünü xoşbəxt hesab etməyəsən ?


Tarix: 08.12.2014 / 13:59 Müəllif: Aziza Baxılıb: 52 Bölmə: Kitablar və mütaliə
loading...