Haqqinda.az

Axtardığın haqqında - Hər gün yeni məlumat öyrən

Qum və dumandan ev (film, 2003)

Qum və dumandan ev (ing. House of sand and fog) 2003-ci ildə çəkilmiş amerikalı rejissor Vadim Perelmanın debüt filmidir.Film dram janrındadır.Əsas rollarda Cenifer Konneli və Ben Kinqsli çəkilmişlər.

Süjet

Filmin süjet xəttini 2 insanın bir evə sahib durmaq uğrunda mübarizəsi təşkil edir. Bu kiçik bunqalo onların həyatında unudulmaz bir iz qoyur. Keti Nikolo (Cenifer Konneli) üçün bu ev atasından miras qalmış yeganə şeydir və narkotik aludəçiliyindən azad olduqdan sonra yenidən normal həyata qayıtmaq üçün yeganə şansdır. Lakin bürokratik səhv nəticəsində Ketini evdən çıxarırlar və ev auksionda İran əsilli Massud Əli Bəhraniyə (Ben Kinqsli) ucuz qiymətə satılır. Onun üçün bu ev - bütün arzuların reallaşması deməkdir. Bu səbəbdən, o ailəsi ilə birlikdə İranı tərk edib, Amerikaya yollanmışdır. İranda Hərbi Hava Qüvvələrinin polkovniki olmuş Bəhrani İran inqilabından sonra oranı tərk etməyə məcbur olur. Amerikada böyük zəhmət bahasına topladığı pullara bu evi almaq qərarına gəlir. Hər iki tərəf fundamental məqsəd uğrunda mübarizə aparırlar. Bu bunqalo təkcə ev demək deyil - bu ev ailənin mövcud olduğu məkandır. O ailənin ki, Keti itirib, Bəhrani isə dağılmaqdan qorumağa çalışır. Hamı bilir ki, Ketinin evi haqsız yerə onun əlindən alınıb, lakin Bəhrani də günahsızdır - o yalnız ailəsini xoşbəxt və qayğısız görmək arzusundadır. Burada sadə hərəkət yoxdur, istənilən səhv addım böyük faciəyə səbəb ola bilər.

Qiymətləndirmə

Film tamaşaçılar arasında populyarlıq qazanmasa da,kinokritiklər filmə yüksək qiymət vermişlər.Filmin real insan taleyini əks etdirməsi,dərin mənaya malik olması ona çoxlu sayda mükafatlara sahib olmağı təmin etmişdir.


Tarix: 19.02.2013 / 21:08 Müəllif: *_*M_O_N_I_K_A*_* Baxılıb: 143 Bölmə: Filimler
loading...